« Ezkutukoak desestaliz | Azalaren oroimena »
Gorde nazazu lurpean / Ramon Saizarbitoria / Erein, 2000
Gorde nazazu lurpean Josemari Carrere / Hika, 2001-01
Ramon Saizarbitoriak euskal narratibari aire berriak ekarri zizkion Egunero hasten delako bere lehen eleberriarekin eta orduz geroztik ezinbesteko erreferentzia bihurtu da euskal literaturan. Bere lanak tarteka heltzen zaizkigun arren, euskal irakurleak fideltasuna gorde dio eta agertu ahala bere liburuak salduenetakoak izaten dira. Ezagutzen duen gizartean oinarrituta garatzen ditu bere nobelak, baina, beti ere, hausnarketarako hamaika bide erakutsiz. Literaturaren balioa aldarrikatzen duen idazlea dugu eta antzematen da bere idatz tankeran teknika narratiboa menperatzen duela, irakurleari gertukoak egiten zaizkion munduetan istorioak garatuz.
Argitara eman duen azken lan hau narrazio ezberdinen bilduma bat da eta denak idazlearen barru deserrotzearen gaineko kezka azaltzen digute; hortik, hain zuzen, guztiak biltzen dituen izenburua Gorde nazazu lurpean. Liburuan hiru ipuin luze eta bi nobela labur elkartu ditu. Bat ezik denak lehenengo pertsonan idatziak dira eta protagonistak euren bizitzaz hausnartzen jartzen ditu eta hausnarketa horiek daramaten bizimoduan aldaketak eragingo ditu.
Deigarria da oraindik Gerra Zibilaren gainean istorioak konta daitezkeela ikustea, baina gertaera zital hura analizatu baino protagonista anonimoengan izandako eragina aztertzen ditu egileak. Honek gertaera historikoan barruan dauden hamaika istorio sentikorretaz gogoetarako bidean jarriko du irakurlea, anekdotan erori baino ikuspegi zabalago bat emanaz gizakiaren izateari. Beste narraziotan pertsonen arteko harremanetaz ariko zaigu, egunerokotasunaren errutinaz, itxuraz garrantzirik gabeko gertaerek gure bizitzetan izan ditzaketen garrantziaz. Liburu honekin idazle donostiarrak euskal literatura egungo literatur moldeetara ondo baino hobeto egokituta dagoela erakusten digu.
Francesco Pasqualeren bosgarren arima
Unai Elorriaga
Joxe Aldasoro
Lanbroa
Pello Lizarralde
Mikel Asurmendi
Sorginak, emaginak eta erizainak
Barbara Ehrenreich / Deirdre English
Ainhoa Aldazabal Gallastegui
Ez naiz ondo akordatzen
Karlos Linazasoro
Mikel Asurmendi
Gerezi-denbora
Montserrat Roig
Amaia Alvarez Uria
Presbiziak lagundu omen digu
Edu Zelaieta
Mikel Asurmendi
Itsaso amniotikoa
Oihane Jaka
Aitor Francos
Itzulpena-Traducción
Angel Erro
Jon Jimenez
Itzulpena-Traducción
Angel Erro
Asier Urkiza
Maitasuna eta dirua, sexua eta heriotza
Mckenzie Wark
Nagore Fernandez
Fiesta: Eguzkia jaikitzen da
Ernest Hemingway
Aritz Galarraga
Biharraren hegietan
Maddi Sarasua Laskarai
Maddi Galdos Areta
Gaueko azken expressoa
Eneko Aizpurua
Aiora Sampedro
Aingeruak eta neskameak
June Fernandez
Ibon Egaña