« Ahotsen zeinuak: “Puskak biziz” eta “Gure ametsen gerizan” jarraipen poetikoaren bidetik doaz | Sex abaroa »

Gorde nazazu lurpean / Ramon Saizarbitoria / Erein, 2000

Hildakoen bakea Javier Rojo / El Correo, 2001-01-31

Ramon Saizarbitoriak liburu berria eskaini die euskal irakurleei arestion bukatu den urte honetan. “Gorde nazazu lurpean” du izena liburu mardul honek eta bost narrazio (ia ia bost eleberri) agertzen dira bertan. Beraz, liburu bakarra den arren, bost literatur lan ditugu aurrean, zein baino zein interesgarrago. Badago ordea, narrazio guztiak erlazionatzen dituen hari bat, gai bat, liburuari batasuna ematen diona. Gai hau, pertsonaiei hildakoengandik datorkien zama da. Aldez edo moldez, pertsonaiek heriotzarekin topo egiten dute eta, nolabaiteko zorra kitatu behar balitz bezala, hildakoek eta biziek ez diote elkarri bakerik ematen.

Zenbait istorio klabe politikoan ere irakur daitezke (aspaldian hildako batzuek utzi diguten heredentzia astuna jasaten ari gara euskaldunok, alegia). Umore beltza dei liteekenaz aparte, liburuan ez da ironia falta, batez ere, euskaldunen jokaera bitxiak, malenkoniatsuak eta galtzaileen mistikan eroso kokatuak ikusita, zeren idazleak ispilu aurrean jartzen baikaitu, eufomismorik gabe geure burua ikus dezagun. Saizarbitoriak beste liburu miresgarri bat utzi digu, kasu honetan bosten balioa duena. Izan ere, azken urte hauetan idazle gutxik eskaini dio euskal kulturari Saizarbitoriak beste.