« Naturaren betikotasuna xede | Erdibidean »

Ezker hanka falta zuen / Lutxo Egia / Susa, 2005

Oroitzapenen bila Javier Rojo / El Correo, 2006-02-01

Lutxo Egiak nobela honetan begirada 80ko hamarkadako hasierako urteetara biltzen du, Iñaki Gerena izeneko pertsonaia aurkezteko. Gerenak, gizon helduak, gazte batzuekin dituen harremanak azaltzen dira istorioan. Eta gazteen ikuspuntutik pertsonaia horrek ezaugarri ia mitikoak hartzen ditu, mirespenez beterik baitago gazte horien begirada. Harreman honen haritik, helduarora sartzeko bide berezia izango dute gazteek. Eta kontakizun paraleloak izango balira bezala, kontatzen zaigu nola gazte horietako bat, heldua dagoeneko, Gerenaren aztarnen bila doan Galiziara. Bidaia honetan Gerenaren aztarna aurkitu nahi zuen eta zer eta Manuel Rivasen istorioak bizirik dauden herri bat topatuko du Galizia aldean. Nostalgia nagusia da begiradak atzera jotzen duenean, Gerenaren mundua izan zen Sestao hura burdin lantegi han diekin batera desagertu dela nabarmentzen baita. Narrazioa aurrera doa flash moduko eszenen bidez, amets batean egongo bagina bezala, denak gardena dirudielarik, zehaztugabea den bitartean. Idazkera dotore eta landuak batzuetan poetikoa izateko joera du, eta oso eliptikoa da askotan. Izan ere, elipsiak berebiziko garrantzia du nobela honetan, aldi berean bertute eta oztopoa delarik.