kritiken hemeroteka

8.826 kritika

« | »

Bekatuak / Ana Urkiza / Elkar, 2005

Espirituaren digestio on baterako aleak Mikel Asurmendi / Irunero, 2006-01

Ale kontuetan, fruta aleak ditu gustuko Ana Urkiza ondarrutarrak. Desira izoztuak liburuan, gerezien irrikan aletu zituen geure gutiziak, hots, desioak. Oraingo honetan gure bekatuak ekarri ditu gure gogora eta gure gogarako. Izoztuak diren desioak ote gure bekatuak? Bekatu aleak ekarri dizkigu, eta horretarako eleak atondu ere, elemeniaka ekarri ere. Hain bekatari baikara jendeok! Uste hau ez da ustel, alajainkoa!

Desira izoztuak delakoan gereziak iradokigarriak ziren, eta oraingoan sagarrak ditugu tentagarri. Sagar mota zenbateko, bekatu ere halako! Gure baitan, uxatu edo ukatu nahi izanagatik ere, erlijioak munta handia baitauka izan. Geure belaunaldikoen artean bederen! Eta modernotasunaren seme-alabak izan arren, Frantziako Iraultzaren ondorengoak, alegia, bekatuak, sagarrak bailiran, egunero jakia izaten segitzen dugu.

Politika aipatu dut arestian. Erlijioaren edabe magikoa eta salbatzailearen ostean, marxismoaren edabea heldu zitzaigun. Aurrekoak osatu ezin zituen gaitzak sendatuko zituelakoan. Gero, Sigmund Freud izeneko batek, gutxi goiti-behiti, bestelakorik frogatu zigun arte: hots, haurtzaro eta nerabezaroan bizitakoak ez direla sekula santan uxatzen gure baitakotik.

Tira, aldendu naiz Bekatuak deritzan liburutik. Bekatu mota asko dira gure baitan: harrokeria, mendekua, utzikeria, desleialtasuna, inbidia, esplotazioa, faltsukeria eta itxurakeria, tentazioa, lapurreta, hilketa, saldukeria, indarkeria, damua, inozentzia eta sexua… Horra zenbat ezaugarriz eta tentazioz osatuta gauden pertsonok sagarrari koska egin ahal izateko. Harako hark esan zuen legez, bekatutik inor libre bada bota dezala lehen harria. Eta oraingoan, ausartuko naiz esatera: “Eta inork inoiz pentsatu badu bekatuaz libre dela baztertu dezala sagarra behin betiko”. Gure giza kondizioaren ezaugarria dugu bekatua inola ere.

Ongiaz eta gaizkiaz baino harago eta honatago, hona gure kontzientziaren harra —sagarrean izan ohi den hori— uxatzeko liburua. Bekatuak ezagutzea komenigarria baita oso gure espirituaren digestio on baterako. Ana Urkizaren dekalogoaren aleak tamainako eleak dira, oso egokiak gure bekatuak dastatzeko.

Bekatu hauen paratzailearekin bat eginez, liburu hau irakurtzeko bidaia proposatzen dizuet. Bekatuek ez baitute bakarrik bidaiatzen, eta bekatariek ere ez. On egin! Amen!

Azken kritikak

Nola esaten zaio agur ama bati
Uxue Razkin

Peru Iparragirre

Mari-alderrai
Colette

Aritz Galarraga

Erreplika
Maialen Berasategi Catalan

Ibon Egaña

Hegal egiten
Eneko Bidegain

Mikel Asurmendi

Sorbatza
Markel Sanchez

Asier Urkiza

Dakigun hori
Garazi Arrula Ruiz

Nagore Fernandez

Ipuinak eta antzezlanak
Lourdes Iriondo

Amaia Alvarez Uria

Ezezagunak trenean... irakurtzen
Miren Billelabeitia

Paloma Rodriguez-Miñambres

Dakigun hori
Garazi Arrula Ruiz

Mikel Asurmendi

Narrugorrik
Ixiar Rozas

Peru Iparragirre

Lera
Castillo Suarez

Maialen Sobrino Lopez

Hezitopia
Nora Salbotx

Joxe Aldasoro

Atzerakarga
Fermin Etxegoien

Asier Urkiza

Manifestu filosofikoa
Agustin Arrieta Urtizberea

Aritz Pardina Herrero

Artxiboa

2026(e)ko azaroa

2026(e)ko urria

2026(e)ko iraila

2026(e)ko abuztua

2026(e)ko uztaila

2026(e)ko ekaina

2026(e)ko maiatza

2026(e)ko apirila

2026(e)ko martxoa

2026(e)ko otsaila

2026(e)ko urtarrila

2026(e)ko

Hedabideak