susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Bizitzaren bide erdian | “Jatorrismoa” eta beste gaitz euskaldun batzuk »

New Yorkeko kronika beltza eta beste kontu periferiko batzuk / Gotzon Garate / Elkar, 2004

New York istorioak Javier Rojo / El Correo, 2004-12-01

Gotzon Garatek liburu berri bat eskaintzen dio euskal irakurleari. “New Yorkeko kronika beltza eta beste kontu periferiko batzuk” du izenburu osoa, eta narrazio bilduma da. Narrazio bilduma, ezen ez ipuin bilduma. Izan ere, liburu honen erdia edo erabiltzen da Amerikako kronika beltza egiteko. Idazleak egunkarietan kontatzen dena eta bere esperientzian (urtero joaten New York-era, eta bertan aholkulari-lana egiten du arazoak dituzten pertsonei laguntzen dien erakunde batean) ikusi duena oinarritzat hartuta, amets amerikarraren iruntzia erakusten digu bere narrazio horietan. Kronika beltza, alegia, edozein egunkaritan agertzen diren gertakari izugarriak kontatzen dituena. Eta hau egiteko erabili duen estiloak atentzioa ematen du berehala. Izan ere, euskal tradizioan narrazioak ahoz kontatzen diren moduan idatzi ditu idazleak. Esaldi laburrak, elipsiaren presentzia eta honelako ezaugarriak ditu estilo horrek. Amerikarren kronika beltza eta ahozko kontakizunen jatortasuna aurrez aurren agertzen dira, beraz, kulturen arteko talkaren beste bertsio bat sortuz. Edonola ere, idazleak ez du beti berdin egiten: beste narrazio batzuetan fikzioa darabil eta ahozkotasunetik pixka bat aldentzen da.