susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Metal zaporea | Izugarriak, baina ez izuzkoak »

Eta handik gutxira gaur / Eider Rodriguez / Susa, 2004

Epikaren ondoren Javier Rojo / El Correo, 2004-11-10

Eider Rodriguez-ek plazara atera du “Eta handik gutxira gaur” izenburuko narrazio liburu bat. Antza, idaztearen lanbidean liburu formatuan agertzen den lehenengo emaitza du, eta agian horixe irudituko zaio harrigarri irakurle bati baino gehiagori, liburu omotu baten aurrean baitago. Epikari leku handirik uzten ez dion mundo batean, eguneroko bizitzan bizirautea heroismoaren formarik handiena izan daitekeela erakusten zaigu narrazio hauetan, batez ere eguneroko bizitza horren mixeriei eta ziztrinkeriei aurre egin behar zaielarik. Eta hau erakusteko, pertsonaien arteko erlazioetan oinarritzen da gehienbat idazlea. Adiskidetasuna eta amodioa bilatzen dituztenak, bakardadetik ihes egin nahian dabiltzanak, igaro den mundu bat oroitzapenetan berpiztu nahi dutenak dira narrazio hauetako protagonistak. Azken finean, pertsonaiek denboraren igarotzeari aurre egin behar diote, denborak, igaro ahala, bere marka utzi eta gauzak dagoneko ez baitira lehen bezala. Eta egoera berriaren aurrean egokitzen zaila gertatzen zaie ipuin hauetako pertsonaiei. Hau guztia, idazle gazteenen artean nahiko ahaztuta zegoen estiloa lantzeko nahiarekin kontatua. Hemendik aurrera euskal irakurleak adi egon beharko zaizkie idazle honen ibilbidearen emaitzei.