kritiken hemeroteka

8.031 kritika

Azken kritikak

« | »

Arimaren ondoko ezkien artetik ibilki / Andolin Eguzkitza / Susa, 2004

Ahotsik pertsonalena Jon Kortazar / El País, 2004-11-07

Andolin Eguzkitzaren (Santurtzi, 1953-Bilbao, 2004) liburu bukatugabea eman du argitara Susak, adiskideari eta poetari egin diezaiokegun omenaldirik ederrena eskainiz. Haren heriotzak hunkitu egin gintuen, eta beraz ezin urrunetik irakurri poemak eta poemen eskuzko zirriborroak eskaintzen dituen liburu berezi hau.

Izenburu luzea du: Arimaren ondoko ezkien artetik ibilki. Eta izenburuan badira poesia honek ekartzen dituen zenbait berri. Adibidez, kanpo mundua era poetikoz, sinbolismoaren ukituz, ikusteko modua, kanpoa eta barnea lotzeko ahalegina.

Ez dut ezkutatuko arazoak ikusten nizkiola Eguzkitzaren poesiari. Batzuetan oso erretoriko agertzen zitzaidan, biluztasun faltaz. Onartu behar da Juanra Madariagak hitzaurrean dioen moduan, errezitaldietan desberdin ematen zuela poesia hark, eta gogoan dut Liverpoolen entzun nuela errezitatzen.

Liburu honen aurrean baina, biluztasun hori garbiago agertzen dela aitortu behar dut. Buruan jarritako lau aipuek ere nabarmen utzi dute zein den poetaren bidea: hor dira gaiak, amodioaren garraztasuna, baina batez ere hor da erradikaltasun poetikoaren zantzua. “En cada mot m’hi jugo l’existencia”, Miquel Martí i Polen bertsoa aipatzen duenak badaki lan egin behar duela, bere burua paper gainean jartzen.

Ahots pertsonala nabari da testuan, ni poetiko ia autobiografikoa, eta ahots poetikoaren hurbiltasuna nagusitzen da testuan, argi eta garbi. Kontrazalean agertzen den poema esplizitoegia iruditzen zait, baina testuaren neurria ere ematen du: “plazer anker baten” bakardadeak isuri du poemategiak, ilusioen garaia joan denean, eta beste mundu bat maitatzeko zalantzan gaudenean. Nitasun poetikoaren indar apalak agintzen du testuan. Egiaren bila abiatzen den nitasun poetikoren argia. Eta nahiz eta paralelotasunak agindu maiz, nitasuna agertzen denean egiten zait irudikorrago testua. Andolin Eguzkitzaren poesia beti izan da esperientzia poesia deitzen dugun horretatik hurbil, baina esperientzia isurtzen duenean, orduan egiten da benetakoagoa poemaren indarra.

Azken kritikak

Landura
Jose Luis Otamendi

Maddi Galdos Areta

Samuel eta Slawo
Karlos Linazasoro

Aitor Francos

Infinitua ihi batean
Irene Vallejo

Jose Luis Padron

Liztor mutanteak
Santi Leone

Mikel Asurmendi

Landura
Jose Luis Otamendi

Jon Martin-Etxebeste

Amaren heriotzak libreago egin ninduen
Mari Luz Esteban

Mikel Asurmendi

Feminismoa denon kontua da
Bell Hooks

Ainhoa Aldazabal Gallastegui

Bar Gloria
Nerea Ibarzabal Salegi

Jon Martin-Etxebeste

Ekaitza eta beste 34 ipuin
Kate Chopin

Amaia Alvarez Uria

Desertuan behatxuloa
Anjel Lertxundi

Ibon Egaña

Araka ditzagun gure bazterrak
Askoren artean

Jon Martin-Etxebeste

Kandelikara
Harkaitz Cano

Peru Iparragirre

Zoonomia
Nerea Arrien

Paloma Rodriguez-Miñambres

Itzalen distira
Arrate Egaña

Hasier Rekondo

Artxiboa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

2021(e)ko azaroa

2021(e)ko urria

Hedabideak