susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Atzerabegirakoa | Atzerriaz »

Gau ertzekoak / Luigi Anselmi / Pamiela, 2004

Poesiaren magia Javier Rojo / El Correo, 2004-10-06

Luigi Anselmi poeta bilbotarrak poema liburu berri bat plazaratu du. “Gau ertzekoak” du izena, eta poliki-poliki galduz doan hitz poetikoarekiko maitasunaren berri dakarkigu. Zeren hitzak poesia bihurtzen baitira Anselmiren idazketa zolian, hitzak egunerokoak badira ere. Halako magia du idazleak. Liburu honetan, denboraren igarotzearen gaineko hausnarketa egiten du eta, denbora igarotzeaz bat, oroimenean bermatzeko beharra azpimarratzen da. Izan ere, horixe baita denbora igaro ondoren gizakiei gelditzen zaiena. Denbora igaro ahala, transzendetzian sinistu nahi luke, denborak heriotza ez beste helmuga bat daukala sinistu nahi luke. Baina hau egitea, antza, ezinezkoa zaio, buruak besterik azaltzen duelako. Gauzak honela, liburua ilunabarrean erdi ezkutuan agertzen zaizkigun irudiez bete du idazleak, puntu zehaztugabe batean egongo balitz bezala. Edota urtaroen aipamenen laguntza ere izan du, denbora beti zehaztugabetasun horren adibidea den udazken batera hurbiltzen baita. Luigi Anselmi modetatik kanpo jarri da, bere poesia egiten du, azken momentuko joerak zeintzuk diren kontuan hartu gabe. Zerbait esan behar du, eta esan egiten du, bere hitzekin, esan behar duen horri esker irakurleenganako zubiak eraikiz.