kritiken hemeroteka

7.119 kritika

Azken kritikak

« | »

Fitola balba, karpuki tui / Jon Gerediaga / Pamiela, 2004

Atzerriaz Felipe Juaristi / El Diario Vasco, 2004-10-08

Iruditzen zait liburu hau oharkabe iragan dela, izanik oharrez beterik eta azantza eta oihartzun eginez iragan diren beste liburu asko baino hobea, berean noski, poesian. Ez da harrigarri, gurean, Euskal Herriko literaturan, ohikoa da, beren buruak harro agertzeko moduko liburuak, ezinbestez, apalduak dira, eta berez, apal eta buru-makur ibiltzeko liburuak goraipatzen, Horixe da gure patua, hemen.

Izenburua arraroa den arren, bere aitzakia du. Hala baitio poema batek: “Orduan, egun baten,/ atzerriko hegazti ezezagun batzuek,/ garumbo sutrei niskiana/ ñigo-ñigo fitola talfu/ esaten zidatela iruditu zitzaidan./ Fitola balba, karpuki tui/ erantzun nien bapatean/ sekula santan esan ditudan/ hitz poetikoenak asmatuz.” Hitz horietatik dator liburuaren izenburua, arraroa bainoago arrotza, baina ikusten denez bere logika poetikoa du. Atzerriko giroa aipatzen du poetak, non ilargia ez den etxeko ilargi bera, zerua , mendiak, izarrak, eguzkia eta poetek erabili ohi dituzten beste hainbat jainko eta jainkosa ezberdinak diren bezala atzerrian. Poetaren hitzak dira, atzerria zer den oso ongi asmatzen dutenak.

Izan ere, liburuak badu atzerriko doinua, poesia liburu batzuek kostata lortzen dutena, bestalde. Hiria baldin badu gaia (ez baita ahantzi behar poema asko eta asko hiriek sortutakoak direla, eta hiriak anitz dira, ez soilik Bilbao edo Bilbo, baita Dublin edo Berlin ere), bada hiriaz haratago doan sentimendua, atzerrira doana, poetaren barne.-muinetatik sortutakoa, poetaren antzinako egoerarekin zerikusi duena, jakina baita poesian, antzinaz antzina eta orainez orain komunikatzen direla hitzak eta mitoak, desirak eta nahiak. Poesiak, garbi dago, ez du irtenbiderik gure mundu honetan eroso bizi nahi deunari, baian egion ditzake, liburu honetan egiten dituen bezala, galderarik oinarrizkoenak.

Azken kritikak

Neguko argiak
Irati Elorrieta

Peru Iparragirre

Gerrak ez du emakume aurpegirik
Svetlana Aleksievitx

Amaia Alvarez Uria

Amek ez dute
Katixa Agirre

Estibalitz Ezkerra

Ohe hutsetan
Izaskun Gracia Quintana

Alex Uriarte Atxikallende

Batzuen ametsak bertzeen zelai zulatuak dira
Hasier Larretxea

Javier Rojo

Erreka haizea
Sonia González

Iratxe Retolaza

Proleterka
Fleur Jaeggy

Aiora Sampedro

Udaberri kantoi-hautsia
Mario Benedetti

Joannes Jauregi

Zuloa
Xabier Gantzarain

Hasier Rekondo

Mecanografiak
Harkaitz Cano

Javier Rojo

Zer luzea negu hau
Josu Goikoetxea

Igor Estankona

Sekula kontatu behar ez nizkizun gauzak
Iban Zaldua

Iratxe Esparza

Poesia kaiera
Yannis Ritsos

Javier Rojo

Sekula kontatu behar ez nizkizun gauzak
Iban Zaldua

Aitor Francos

Artxiboa

Azaroa 2018

Urria 2018

Iraila 2018

Abuztua 2018

Uztaila 2018

Ekaina 2018

Maiatza 2018

Apirila 2018

Martxoa 2018

Otsaila 2018

Urtarrila 2018

Abendua 2017

Hedabideak