« Mugan kokatua | Bazterreko geografia »

Eguzki beltzaren sekretua / Alberto Ladron Arana / Elkar, 2004

Espioien abenturak Javier Rojo / El Correo, 2004-08-18

Espioien nobeletan agertzen diren zenbait ezaugarri oinarritzat hartuta, Alberto Ladron Aranak abentura nobela dibertigarria utzi dio euskal irakurleari “Eguzki Beltzaren sekretua” izenburuko liburu honekin. Egia esan, idazleak ez du orijinaltasun berezirik bilatzen; beste obra batzuetan agertzen diren osagaiak konbinatu eta euskaraz bikain eskaintzea izan da idazlearen lana. Gertakariak 1939an kokatzen dira. Alemaniako naziek Tibetera antolatu dute bidaia misteriotsu bat, Biblian aipatzen den objektu sakratu batekin erlazionatuta dagoena. Kultura zinemamtografiko txikia duen edonorentzat Indiana Jones-en abenturak etorriko zaizkio burura planteamendu honen aurrean. Protagonista ez da abenturero hutsa, baizik eta munduan tokia bilatzen ari den gazte problematiko bat. Honek zertzelada berri bat eskaintzen dio abenturari, pertsonaiaren psikologian ere sakondu nahi baita. Uda garaian gaudenez gero, irakurgai aproposa dela esan daiteke, laudorio moduan.