susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Hemendik gutxira atzo | Espioien abenturak »

Mugaldekoak / Edu Zelaieta / Susa, 2004

Mugan kokatua Javier Rojo / El Correo, 2004-08-11

Edu Zelaietak “Mugaldekoak” izenburuko poema liburu honetan mugaren irudiaren inguruan ardaztu nahi izan ditu erabiltzen diren osagai guztiak. Muga hau, batetik, fisikoa da, Bidasoak itsasoratzean eraikitzen duena. Honen inguruan euskal iruditerian txertatuta geratu diren pertsonaiak agertzen zaizkigu: batetik bestera ibiltzen diren mugalariek eta mugazainek osatzen dute giza paisaia hura. Muga hura desagertu egin da, horren ordez beste muga batzuk sortu direlarik. Mugaren irudia beste ideia batzuekin lotuta agertzen da. Emigrazioaren fenomenoagatik sortu diren barne-muga kulturalak aipatuko zaizkigu zenbait poematan. Beste batzuetan, mugaren ideiaren sinbolizazioan beste urrats bat ematen da eta muga existentziala izango da agertzen zaiguna. Hemengo poesiak abiapuntu interesgarria duela esan daiteke. Baina gauzatzerakoan poemek errekurtso poetikoen erabilera sakonagoa behar zutelakoan nago. Batzuetan prosaz egindako sentimenduen adierazpen soilak dirudite.