kritiken hemeroteka

8.475 kritika

« | »

Konpainia noblean / Anjel Lertxundi / Alberdania, 2004

Udaberriko hitzak Felipe Juaristi / El Diario Vasco, 2004-06-25

Iparburutik gertu bizi diren herriek ba omen dute sinesmen bat oso tinkoa eta oso barneratua. Uste baitute, hotz handia dagoenean, hitzak izoztu egiten direla eta, pisuaren pisuaz, lurrera erori. udaberrian hasten omen dira zalapartaka eta hizketan eta airea zurrumurruz betetzen da, aspaldiko pasadizo barregarriz, ahantzitako minaren oihuz, aspaldi galdutako amodio baten oihartzunez. Horixe etorri zait burura Anjel Lertxundiren liburua hau eskutik eskura eta gogorik gogora erabili dudanean. Udaberria da, giroak asko epeldu du, zuhaitzak igaliz leher eta zapart egiteko zorian daude, gure bihotzak hanpaturik, eta hitzak noranahi joateko prest. Udaberria da eta aspaldiko istorioak ekarri dizkigu idazleak, neguan gordetakoak, negua oso txarra baita idazteko, karroinak eskuak zurrundu, tinta lehortu eta gogoa huts uzten baitu, elurraren eta haizearen konpainian. Aspaldiko hitzak hasi dira Anjel Lertxundiren zalgurdi honetan (liburu bat zalgurdi izan baitaiteke, edo itsasontzi edo ijitoen kanpamendu edo zernahi den ) trostan eta ibilbidean, aspaldiko hitzak beraiekin ekarriz aspaldiko kondairak, ele zaharrak, istorioak edo sasi-istorioak, ahozko tradizio deitzen den altxor horretatik berreskuratuak. tradiziorik gabe ez baitago modernitaterik. Tradiziorik gabe modernitatea hipermodernitate bihurtzen baita, ez postmodernitate, hori ez baita ezer, hori baita ezer ez izendatzeko hitza, baina hitzek ihes egiten dute, eta beren gorputza hartzen eta beren arima eskuratzen. Memoriarik gabe ez dago tradiziorik; hobe esanda, ahantziaren eta memoriaren lanik gabe ez dago ezer, hutsa baizik ez, ezerez oihukaria. Atseginak dira ipuinok edo narraziook edo direnak direlakook. Prosa landua eta taxuzkoa; baian era berean izotza bezain garbi eta aratza. nahi duenarentzat opari.

Azken kritikak

Zero
Aitor Zuberogoitia

Amaia Alvarez Uria

Oihaneko ipuinak
Horacio Quiroga

Aiora Sampedro

Carvalho Euskadin
Jon Alonso

Mikel Asurmendi

Egurats zabaletako izendaezinak
Rakel Pardo Perez

Jon Jimenez

Antropozenoren nostalgia
Patxi Iturregi

Asier Urkiza

Barrengaizto
Beatrice Salvioni

Nagore Fernandez

Etxe bat norberarena
Yolanda Arrieta

Ainhoa Aldazabal Gallastegui

Lautadako mamua
Xabier Montoia

Aiora Sampedro

Berbelitzen hiztegia
Anjel Lertxundi

Mikel Asurmendi

Haize beltza
Amaiur Epher

Jon Jimenez

Coca-Cola bat zurekin
Beñat Sarasola

Asier Urkiza

Girgileria
Juana Dolores

Nagore Fernandez

Berlin Alerxanderplatz
Alfred Döblin

Aritz Galarraga

Teatro-lanak
Rosvita

Amaia Alvarez Uria

Artxiboa

2025(e)ko martxoa

2025(e)ko otsaila

2025(e)ko urtarrila

2024(e)ko abendua

2024(e)ko azaroa

2024(e)ko urria

2024(e)ko iraila

2024(e)ko abuztua

2024(e)ko uztaila

2024(e)ko ekaina

2024(e)ko maiatza

2024(e)ko apirila

Hedabideak