kritiken hemeroteka

8.280 kritika

« | »

Atezainaren larria penalti-jaurtiketan / Peter Handke (Jose Mari Berasategi Zurutuza) / Elkar, 2020

Munduan arrotz Javier Rojo / El Diario Vasco, 2021-02-06

Polemika politikoen gainetik Peter Handke idazle garrantzitsua da, kontuan hartu behar diren horietakoa. Euskal literaturaren kasuan garai batean haren eragina nabarmena izan zen, batez ere 80ko hamarkadan orduan gazteak izan ziren hainbat idazleren literatur ibilbideen hasierak ulertzekotan. Horrexegatik beti pozgarria da haren liburu baten itzulpena irakurtzeko aukera izatea, kasu honetan “Atezainaren larria penalti-jaurtiketan”. Argumentuaren abiapuntuan pertsonaia eta haren egoera aurkezten zaizkigu. Josef Bloch, futbol atezain ohia, bere garaian ospetsua izan zena, lanetik bota dute, eta hirian zehar ibiltzen hasi da. Hirian egiten dituen ibilaldi horietan ematen du pertsonaiaren eta munduaren artean etendura handia dagoela. Gertatzen zaizkionak, egiten dituenak eta ikusten dituenak xehetasun handiekin azalduta agertzen dira lekuko objektibo gisa funtzionatzen duen narratzaile baten bidez. Baina gertakari horiek guztiek gehienez asperdura bezalako atsekabea eragiten diote. Mundu batean sartuta dagoelarik, protagonista ez da bereziki inplikatuta sentitzen munduan gertatzen diren horiekin. Eta gertakarien azalean geratzen denez, ezinezkoa zaio horien atzean dauden inplikazioak ulertzea. Ez da pertsonaia erromantikoa, zeren inguruaren eta beraren artean ez baita lehia berezirik gertatzen, ez baitago munduaren aurka borrokan, inguruarekiko isolamendu emozionalean baizik.

Norabide zehatzik gabeko gertakarien segida honetan, argumentuaren hariak berez garrantzi handirik ez duenekoan, pertsonaiak munduan egoteko duen era jartzen da erdigunean, eta horretan ezinezkoa da arroztasun existentzialaren sinbolizazioa ez topatzea. Bestalde, itzulpena dela eta, esan behar da ez dela Joxe Mari Berasategi itzultzailearen eskua nabaritzen, eta hauxe da itzulpen batez egin daitekeen laudoriorik hoberena.

Azken kritikak

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Zakur zaunkak
Iñaki Irazu

Hasier Rekondo

Bufalo guztiak
Juanra Madariaga

Paloma Rodriguez-Miñambres

Independentzien eguzkiak
Ahmadou Kourouma

Jon Jimenez

Zirriborroak eta gero
Askoren artean

Asier Urkiza

Zirriborroak eta gero
Askoren artean

Amaia Alvarez Uria

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak