« Mimoz egindako edizioak | Zaurien gainean piko egiten »
Zero / Aitor Zuberogoitia / Jakin, 2024
Humanismotranshumanismo… Amaia Alvarez Uria / Argia, 2025-03-30
Hasieran saiakera filosofiko-soziologikoa espero nuen, baina ez da hori liburu honetan aurkitu dudan bakarra. Izan ere, biografia fikzionalizatu batekin hasten da eta zati handiena hori da. Liburuaren muina Orlacheko Gerbert elizgizonari buruzko biografia nobelatua da. Haren ibilbideari jarraituta ezagutuko dugu nolakoa izan zen IX. mendetik X. menderako aldaketa.
Gerbertek ekarri zuen lehen aldiz Mendebaldera Ekialdean erabiltzen zen ‘zero’ zenbakia. Hala ere, bi mende geroago hasiko ziren horren inguruko hurbilpenak egiten; harekin zetorren ‘hutsa’ kontzeptua ez zen guztiz ekarriko.
Gainera, milurtekoaren aldaketa hartan gertatutako munduaren ikuspegi aldaketa ere ezagutuko dugu protagonistaren ibilbideari jarraiki. Honek guztiak gure milurteko aldaketak ekarri dizkigun gorabehera teknologiko eta kontzeptualekin zerikusia du, jakina.
Jakin-min handiko gazte bat aurkeztuko zaigu hasieran, ezagutzeko eta ikasteko gose handia zuena, eta bere hil arteko bidaia fisiko, intelektual eta sozialaren berri emango zaigu, Aita Santu bihurtu artekoa izango dena.
Lan honetan agertzen den zenbait kontzepturen bidez zertzelada batzuk aurreratuko ditugu saiakera filosofikoari begira. “Teknologia ez da neutroa, ez da erreminta edo euskarri huts, pertsonen arteko komunikazioa eta gizartea bera moldatzen dituelako”, irakur dezakegu. Egileak etorkizunari begiratzean makina eta gizakiaren arteko sinbiosiarekin batera sozializazioa eta kultura ere kontuan izan behar direla azaltzen du. Enpatia, arreta edo intentzioa aipatuko ditu eta adimena, kontzientzia edo existentzia ere agertuko dira. Era berean, zeroa eta hutsa kontzeptuen inguruan jarduten du eta hilezkortasunaren ideal humanista muturrera eramateak humanismoari amaiera ekar diezaiokeela dio, Homo Deus-aren agerpenarekin.
Reincidentes musika taldeak La historia se repite kantatzen zuen XX. mendearen amaieran eta horrela hasten da liburu hau: “Ziklikoa ei da historia”. Aitor Zuberogoitiak Jakin-ekin argitaratu berri du Zero. Transhumanismoa ate-joka Erdi Aro berrian. Lan honetan etorkizunari buruz gogoeta egiteko proposamena egiten zaigu, iraganari begiratuta. Izan ere, esaera zaharrak dioen moduan, atzeak erakusten du aurrea nola dantzatu.
Zuzi iraxegia
Amaia Alvarez Uria
Ainhoa Aldazabal Gallastegui
O.ten gaztaroa neurtitzetan
Arnaud Oihenart
Gorka Bereziartua Mitxelena
Ez-izan
Jon K. Sanchez
Aiora Sampedro
Pleibak
Miren Amuriza
Jon Jimenez
Ehun zaldi trostan
Ainhoa Urien
Asier Urkiza
Oroi garen oro
Beatriz Chivite
Nagore Fernandez
Jakintzaren arbola
Pio Baroja
Aritz Galarraga
Antropozenoaren nostalgia
Patxi Iturregi
Hasier Rekondo
Francesco Pasqualeren bosgarren arima
Unai Elorriaga
Mikel Asurmendi
Baden Verboten
Iker Aranberri
Paloma Rodriguez-Miñambres
Ezer ez dago utzi nuen lekuan
Itziar Otegi
Mikel Asurmendi
Dolu-egunerokoa
Roland Barthes
Asier Urkiza
Guardasol gorria
Lutxo Egia
Nagore Fernandez
Zero
Aitor Zuberogoitia
Jon Jimenez