kritiken hemeroteka

6.843 kritika

Azken kritikak

« | »

Hizkuntza, Nazioa, Estatua / Joxe Azurmendi / Elkar, 2017

Euskal nazioaz Javier Rojo / El Diario Vasco, 2017-08-12

Euskal kultura pixka bat ezagutzen duen edonork jakin behar luke nor den Joxe Azurmendi: hitz gutxitan esanda, euskal abertzaletasunetik sortutako intelektual garrantzitsuena. Idazle honek urtero-urtero argitara ematen du saiakeraren bat, azkena, “Hizkuntza, nazioa, estatua” izenburuko idazlan hau. Iruditzen zait bi ardura nagusi agertzen direla Joxe Azurmendiren idazlanetan. Lehenengoa, euskal nazioaren definizioa izango litzateke. Euskal Herria nazio moduan definitzen du, eta definizio hori esanahiz betetzen saiatzen da bere saiakeretan, abertzaletasuna politikaren erdigunean jartzen dutenek lanabesak izan ditzaten beren planteamenduak defendatzeko. Beste hitzetan esateko, euskal abertzaletasunari oinarri teoriko sendoak eskaini nahi dizkio.

Azurmendi, edonola ere, ez da bere zilborrari begira geratzen den idazlea, eta mundua ere ulertzen saiatzen da. Euskaltasunetik begiratzen du mundua, eta alde marjinal honetatik ikusita ezaugarri batzuk nabarmentzen dira, beste ikuspuntu batzuetatik oharkabean pasatuko liratekeenak. Hauen artean garrantzitsuena agian izango litzateke beren burua nazionalistatzat hartzen ez duten askoren planteamenduak euskal abertzaleenak baino nazionalistagoak direla. Saiakera honetan Azurmendiren begirada iraganera bideratzen da, nazioaren definizioaren atzean zer egon daitekeen ikusteko. Eta Grezia zaharrean gertatutakoa kontuan hartuta, nazioaren oinarrian hizkuntza (eta ondorioz kultura) topatzen du. Edonola ere, Joxe Azurmendik ez ditu bere iritziak plazaratzen euskal nazioan sinesten ez dutenak konbentzitzeko, badaki-eta hori ez dela gertatuko. Erakusten du nazioak historian zehar forma desberdinetan gauzatu daitezkeela eta estatua ez dela nazioak har dezakeen forma bakarra.

Baina nago iritzi hauek bi ahoko ezpata izan daitezkeela, eta euskal abertzaletasuna indartzeko balio duten neurri berberean Espainiako nazionalismoa zuritzeko ere baliagarriak izan litezkeela. Izan ere, norberaren nazioa eztabaidatzen ez den printzipioa da. Batzuetan iruditzen zait gai hauek guztiak nominalistak baino ez direla.

Azken kritikak

Bi aldiz erditu zinen nitaz, ama
Alaine Agirre

Javier Rojo

Hizkuntza, Nazioa, Estatua
Joxe Azurmendi

Javier Rojo

Haren zati bat
Josu Penades

Javier Rojo

Frankenstein
Mary Shelley

Gotzon Barandiaran

Lur bat zure minari
Jose Luis Otamendi

Castillo Suarez

Zer egingo dugu orain opariekin?
Aritz Gorrotxategi

Javier Rojo

Hodei berdeak
Jon Alonso

Aritz Galarraga

Azken zakatzak
Martxel Mariskal

Igor Estankona

Arrotz eta eder
Pako Aristi

Iker Zaldua

Feminismoa eta politikaren eraldaketak
Mari Luz Esteban

Iratxe Esparza

Huliganaren itzulera
Norman Manea

Iñigo Roque Eguzkitza

Gelditu zaitezte gurekin
Ana Malagon

Amaia Alvarez Uria

Ospa
Juan Luis Zabala

Ibon Egaña

Arrastoak
Dejabu panpin laborategia

Iratxe Retolaza

Artxiboa

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Otsaila 2017

Urtarrila 2017

Abendua 2016

Azaroa 2016

Urria 2016

Iraila 2016

Hedabideak