« Pastel beltza | Liburuak azpimarratzen dituztenentzat »
Venusen delta / Anaïs Nin (Garazi Arrula) / Txalaparta, 2013
Narrazio erotikoak Javier Rojo / El Diario Vasco, 2013-09-06
Zer gertatzen da emakume bat pornografía idazten saiatzen denean? Hau da, zein da halako idazle baten idazkietan islatzen den ikuspuntua? Idazlearen emakume-izaera nagusi ateratzen da pornografiari bestelako begiez begiratzerakoan, ala generoaren (literatur generoaren) izaera da garaile ateratzen dena, halako literaturaren kontsumitzaileei suposatzen zaizkien apetak kontuan hartuta? Tira, baten batek Anais Nin-en literatura hausnarketa gai moduan erabili nahi balu, horretaz pentsa lezake, baina nago idazle horren lumatik sortu den Venusen delta izenburuko liburu honetako narrazioak irakurriko dituzten gehienek bestelako asmoak izango dituztela buruan. Edonola ere, bere zainetan jatorri anitzeko odola biltzen zuen idazle kosmopolita hau oso trebea zen bere lana egiten, liburu hau irakurriko duen edonor konturatu daitekeen bezala. Sexu ariketan aritzen diren gorputzen mugimenduak zehaztasun osoz azaltzen ditu, halako deskribapenek idazleei aurkeztu ohi dizkieten zailtasunak gaindituz. Bestalde, argumentuak ere dibertigarriak dira, eta literatura erotikoaren tradizio klasikoari jarraituz, umorea ez da falta noizean behin, pikareska moduko bat, nolabait esateko. Eta horrez gainera, liburu honen bidez euskaldunon autoestirnua ere pixka bat harrotuta gera daiteke bertan Euskalduna eta Bijou izeneko ipuina agertzen baita… Azken urte hauetan ikusi dugu nola Greyren itzalek itzal handia hartu duten E.L. James-en liburuek zenbait irakurleren artean izan duten arrakastari erreparatuta. Agian, horregatik honelako literaturaren ereduetara jotzea komenigarria izan daiteke, Anais Nin-ek, enkarguak sortu zizkion limitazioak gorabehera, agerikoa baino zerbait gehiago iradokitzen baitzekien.
Gizon barregarriak
Joxean Agirre
Asier Urkiza
Barbaro iraun
Louisa Yousfi
Amaia Alvarez Uria
Izotz ura
Lide Hernando Muñoz
Aiora Sampedro
Palestinaren okupazioaz eta kolonizazioaz
Perry Anderson
Irati Majuelo
Itzulerak
Miren Agur Meabe
Aiora Sampedro
...eta gauetik, euria
Fertxu Izquierdo
Jon Jimenez
Carvalho Euskadin
Jon Alonso
Asier Urkiza
Hitzak palmondo
Silvia Federici
Nagore Fernandez
Altxa, hildakoak
Fred Vargas
Ainhoa Aldazabal Gallastegui
Alderdi komunistaren manifestua
Karl Marx / Friedrich Engels
Aritz Galarraga
Maitasun kapitala
Karmele Jaio
Mikel Asurmendi
Larrosa bat Groenlandian
Iban Garro
Paloma Rodriguez-Miñambres
Jausiz
Alain Mendizabal Diaz
Maddi Galdos Areta
Hiriak eta urteak
Xabier Montoia
Irati Majuelo