kritiken hemeroteka

6.964 kritika

Azken kritikak

« | »

Odolaren sua / Irene Nemirovski (Jose Antonio Sarasola) / Alberdania, 2012

Grinei buruz Javier Rojo / El Diario Vasco, 2012-11-16

Alberdania etxeak Irene Nemirovski-ren zenbait liburu argitaratu izan ditu azken urte hauetan. Zerrenda hori osatzeko Odolaren sua nobela laburraren txanda izan da oraingoan. Jatorri errusiarreko idazle frantsesa (frantsestua) zen, judua eta 1942an Auschwitzen hildakoa. Nobela honetan bi Mundu Gerren artean Frantziako herri nekazarietan zegoan burgesia txikiaz hitz egiten zaigu. Horretarako, Silvio izeneko pertsonaiaz baliatzen da idazlea, pertsonaia honek lehenengo pertsonan kontatzen baitu ikusten duena. Silviok munduan zehar ibili ondoren zahartzaroan bere herrira bueltatzea erabakitzen du han erretiro lasaiaz gozatzeko. Erretiro horretan herrian bizi den burgesia txikiaren bizimoduaz aritzen da, haren jokaera etologo baten moduan azalduz, berarekin zerikusirik izango ez balu bezala. Mundu horretan, badirudi denbora gelditu egin dela, ez dela ezer gertatzen. Mundu horretan, badirudi zentzumenak sorgorturik daudela eta bertako pertsonaiak zoriontasunarekin parekatzen duten lasaitasunean bizitzea beste helbururik ez dutela. Familia kontu txikiak, errepikatzearen errepikatzeaz aldaezinak diruditenak, azaltzen zaizkigu, Colette-ren (Silvioren ilobaren) ezkontzaren kasuan bezala. Baina lasaitasun hori azal hutsa da. Azpian grinak daude eta grinek eramaten dituzte pertsonaiak tragediara. Itxuraz istripu bat izan zenak (Coletteren senarra zubitik erori eta itota hiltzea) agerian jarriko ditu barne-tentsioak, ezkutuko grinak. Azaleko itxura lasaiak eta barneko grinak (“odolaren suak”) talka egiten dute, testuan esaten den bezala egunak arrastaka eta urteak hegan igarotzen diren bitartean.

Kontakizuna interesgarria da oso, eta idazleak argumentuari intriga erantsiz jakin du irakurlearen jakin-mina ere pizten. Liburua xumea izan daiteke, baina halako liburu xumeak barruan gihar sendoa gorde dezakeela erakusten du. Horretarako idazle trebe bat besterik ez da behar.

Azken kritikak

Hadji-Murat
Lev Tolstoi

Joannes Jauregi

Bertso bilduma
Etxahun - Pierre Topet

Aritz Galarraga

Goldsmithen ikaslea
Joxean Agirre

Estibalitz Ezkerra

Alexis Zorbaren hitzak eta egintzak
Nikolas Kazantzakis

Hasier Rekondo

Zaldi beltzak zeruan
Txomin Peillen

Javier Rojo

Mundu ikuskerak euskal narratiba garaikidean: modernitatearen krisitik postidentitatearen promesera
Gorka Mercero

Mikel Asurmendi

Biennale
Beatriz Chivite

Peru Iparragirre

Mina edo libertatea!
Kepa Larrea

Javier Rojo

Hodien metafisika
Amelie Nothomb

Amaia Alvarez Uria

Nora goaz euskalduntasun honekin?
Joxe Manuel Odriozola

Joannes Jauregi

Gaizki ulertua
Irene Nemirovski

Aiora Sampedro

Hitzontziak
Xabier Montoia

Iratxe Esparza

Poesia kaiera
Rosalia de Castro

Igor Estankona

Mendi-joak
Aingeru Epaltza

Javier Rojo

Artxiboa

Otsaila 2018

Urtarrila 2018

Abendua 2017

Azaroa 2017

Urria 2017

Iraila 2017

Abuztua 2017

Uztaila 2017

Ekaina 2017

Maiatza 2017

Apirila 2017

Martxoa 2017

Hedabideak