kritiken hemeroteka

8.288 kritika

« | »

Deception Island / Xabier Artola / Alberdania, 2010

Ahots jokoa Javier Rojo / El Correo, 2010-07-10

Xabier Artolak Deception Island izenburuko liburu honetan agertzen den narrazioarekin irabazi du Kutxak antolatzen duen Donostia Hiria saria, ipuinaren arloan. Liburuan agertzen zaiguna, beraz, ipuina da, baina testuaren luze-laburra kontuan hartu beharrean bertan kontatzen den istorioaren izaerari erreparatzen badiogu, nobela bat idazteko materiala dagoela konturatuko gara.

Argumentua Ane izeneko pertsonaiaren inguruan dago fokalizatuta. Asierrek, Aneren mutil lagunak, K2 mendira igotzean istripua izan du eta, gauzak honela, gizona Himalayan hilzorian dagoen bitartean, emakumeak lan egiten duen ospitaletik, Euskal Herritik bertatik, antolatzen dituzte zaintza lanak. Xabier Artolak hautatu duen ikuspuntuan istorio gehiena Aneren buru barruan gauzatzen da, haren pentsamenduen eta sentimenduen inguruan, haren dudak eta dezepzioak kontatzeko. Emakumearen gogoan sartuta, Anek Asierrekin duen harremanaren berri izango dugu, baina jakingo ditugu, baita ere, Asierren aurretik bere bikotekidea izen zen Karlosekin izan duen istorioaren zenbait xehetasun, gaiak epikarako bidea eskaintzen duen arren, idazleak etxean geratu den pertsonaiaren aldaketa kontatzea erabaki baitu. Eta alde honetatik, bereziki interesgarria da narratzailearengan nahasten diren ahots desberdinen jokoa. Narratzaileak hika eta zuka, eta lehenengo, bigarren eta hirugarren pertsonak elkartzen ditu bere ahotsaren baitan, narrazioa hainbat planotan irekitzen delarik. Irakurleak, bere aldetik, adi egon behar du ahots horiek, edota ahots horien interlokutoreak, identifikatzeko. Emakumearen ikuspuntutik kontatzen dira gertakariak, eta K2-ko istripuarenak aitzakia dirudi emakumearen gogoan sartzeko, beste gertakari larri batek ere berdin balio bailezake. Edonola ere, liburuan gauzak kontatu barik iradoki egiten dira, baina nago istorio honek emakumearen gogo-aldaketak ondo azaltzeko testuaren aldetik garapen handiagoa behar zuela. Baina, jakina, honek testuaren nobela-izaera gehiago nabarmenduko luke.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak