susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Marx Althhousser-en arabera | “Urtero da aurten” Anjel Lertxundiren urteroko liburuaz »

Basilika / Itxaro Borda / Susa, 1985

Basilika Iñaki Camino / Argia, 1985-01-20

Gazteen literatura argitaratzeari jarraitzen zaio oraindik ere Susa taldea. Oraingoan Borda baxenabartarraren aurren nobela dugu.

Nobela motza da, 100 orrialde exkaxekoa. Ifarraldean kokatzen du kontakizuna, Irulegi herrian. Bertan, Jon Kapagorri deputatu komunixtak mirari baten asmaketa egiten du turismo poxi bat jaso eta ekonomia altxatzeko. Miraria, herriko nexka batek amabirjina ikusi duela jendeari sineseraztean datza, eta lortu egingo du hau Kapagorrik gainera. Aferak aitzinera doaz eta indar handia hartuko du mirariaren inguruko orok. Karol Botilla aita santua dator, Giterran presidenta e.a. Alde honetatik nobela errealista samarra da. Ifar Euskal Herriaren arazoak aski argi ematen baititu aditzera. Nobelaren hariaren aldetik ez da hain errealista, exagerazioaren ildotik abiatzen baita, fantasia handiko nobela dugu bera. Estiloa ere zuzena eta soila da, periodistikoa, irratian Itxarori egin entrebistan aditu zenez.

Nobela honek ez du ba aurtengo urte bukaeran euskal narratiban nagusi izan den kaskartasun hori gainditu. Zailtasunik gabeko nobela dugu, erraz irakurtzen dena.