« Manu militari: Frankismo osteko mamuak | Lizardi: kazetari lanak »

Zirtzilak / Kristalezko begia / Alfonso R. Castelao (Koldo Izagirre) / Susa, 1986

Zirtzilak / Kristalezko begia Mikel Mendizabal / Argia, 1987-03-08

Susa, 1986

Ez da apostu makala Susa argitaletxeak eskuartean ibili duela oraingoan! Castelao galego haundiaren lau liburu batera argitaratzea dugu apostu hori, eta horrek berez suposatzen duena: orain arte atzerriko idazle batez egin izan den euskal edizio exaustiboena. Besteokin izango gara aurrerantzean. Gaurko, lehenbiziko tomoa aukeratu dugu, hain zuzen ere, Koldo Izagirre euskaratzaile izan duen liburukia. Bertan bi liburu: “Kristalezko begia” eta “Zirtzilak”.

Bietatik lehena duela hamar bat urte argitaratua zegoen, baina agortua ere aspalditik. Gainera, alderatu ondoren frogatu ahal izan dugunez, itzulpen hura eta oraingoaren artean alde haundia dago, dudarik ez Koldok lan berezia egin duela ipuin luze honen berregokitze lanean. Jakina denez, ipuin honetan eskeleto baten oroitzapenak kondatzen zaizkigu, umore beltzaren bitartez munduari buruzko ironia fina marraztuz.

“Zirtzilak” bost ipuin dira, eta nahiz eta garai desberdinetan eginak, halako batasun bat gordetzen dute heuren artean. Bost ipuin hauek, “Kristalezko begia”rekin batera, Castelao haundiaren narrazio laburren mundua deskubritzen digute, bere galegismo kutsu haundiarekin, baina panfletoa baino harago joateko sentiberatasuna ere agerian geratzen delarik. Merezi du Castelaoren inguruko saio hau bultzatzea, eta hurrengo batetan ere saio beraren inguruan arituko gara.