kritiken hemeroteka

8.001 kritika

Azken kritikak

« | »

Kazetari lanak / Xabier Lizardi / Erein, 1986

Lizardi: kazetari lanak Jon Kortazar / Eguna, 1987-03-12

Badira libururen batzuk lan handia eskatu ondoren, esker zabalik agertzen ez dutenak. Horrelakoa dugu eskuartean dugun hau. Lizardik garaiko aldizkarietan, han-hemen, sakabanaturik argitaratu zituen euskal eta erdal lanen bilduma dugu “Lizardi: kazetari lanak”. Horrez gainera L. Otaegi biltzaileak Lizardiganako duen liluraren ispilua ere bada.

Bilduma den aldetik, dudarik ez, Lizardirenolerkigintza ulertzeko eta sakontzeko iturri garbi bezala estimatzen dut liburua. Olerkigintza hau kontestuz eta erreferentziz osotzen duen neurrian, hartzen du bere balioa lanak. Beste meritu askoren artean bat aipatuko nuke, duda gabe: Lizardiren olerti-kontzeptuen agerpena. Ezagutzen genituen Lizardik poesiari buruz zituen usteak, baina “El poeta” bezalako artikuluek gure ezagumena zabal eta sakon bihurtzen du. Era berean gerra-aurreko literatur-eztabaiden inguruan berri aberatsak ematen ditu. Gizon baten pentsakizunaren bizitze bildurik dago liburu honetan. Euskarari buruzkoak eta izkimirei buruzkoak. Gizarte bat, Europako bideetatik abiarazi nahi zuen gizon baten asmoa, Euskal Herria Kultura eta Industria aurrerapenetan bultzatu nahi zuen intelektualaren ikuspegia, Ortegaren itzaletan mundu eder eta etikoa nahi zuen olerkariaren ametsa eskeintzen dizkigu liburuak. Biltzailearen lana askotan izango zen mikatza eta nekeza. Baina eskuzabaltasunaren adierazgarri ere. Ez zuen L. Otaegik artikuluak biltzerakoan eta kopiatzerakoan besteok irakurtzerakoan sentitzen duguna sentituko. Berari esker, ordea, erraz eskura ditzakegu, bestela lan askoren ondoren ikus genezakeen liburutegi eta artxibuetan. Lan nekagarri eta ongi ordainduko ez dugun honek akats txiki bi ditu, nik uste. Zalantza eta guzti, Lauxetaren artikulu bat poliki-poliki irazi zaiola; eta hitzaurrean gogo handi gabe ikusten dela biltzailearen burua. Artikuluek ikaragarrizko informazioa ematen dutelako, zerbait gehiago espero genezakeen hitzaurrean. Agian Lizardi gehiago eta Aitzol guttiago espero genuen. Lan borobilagoa, labur geratu den hau. L. Otaegiren aukera izan da, eta errespetagarria bada ere, prestatzen ari den lanak emango digu hitzaurre honek baino hobeki, L. Otaegiren jakinduriaren neurri zehatzagoa.

Eguna, 87-03-12



www.susa-literatura.eus



Azken kritikak

Lagun minak
Jon Benito

Asier Urkiza

Ene anaia femeninoa
Marina Tsvetaieva

Nagore Fernandez

Analfabetoa idazle
Agota Kristof

Ainhoa Aldazabal Gallastegui

Erradikalak
Ane Labaka Mayoz / Beatriz Egizabal Ollokiegi

Jon Martin-Etxebeste

Eraikuntzarako materiala
Eider Rodriguez

Mikel Asurmendi

Hotza bazkatzen
Izaskun Igoa Jaimerena

Irati Majuelo

Krakovia
Goizalde Landabaso

Ainhoa Aldazabal Gallastegui

Austerlitz
W.G. Sebald

Hasier Rekondo

M ama* eme* ume*
Erika Lagoma / Estitxu Fernandez

Jon Martin-Etxebeste

Soka
Mikel Gurrea

Nagore Fernandez

Ez erran inori
Maddi Ane Txoperena

Asier Urkiza

39 lore
Amancay Gaztañaga

Amaia Alvarez Uria

Austerlitz
W.G. Sebald

Jon Martin-Etxebeste

Sed quia sua
Iñaki Segurola

Oier Iruretagoiena

Artxiboa

Ekaina 2022

Maiatza 2022

Apirila 2022

Martxoa 2022

Otsaila 2022

Urtarrila 2022

Abendua 2021

Azaroa 2021

Urria 2021

Iraila 2021

Abuztua 2021

Uztaila 2021

Hedabideak