kritiken hemeroteka

8.280 kritika

« | »

Zu. Ni. Bi. Bidean... / Andoni Salamero / Apatx, 2004

Maitatzen uzten dizun lore bitxia Mikel Asurmendi / Irunero, 2005-03

Hasteko eta behin erran dezadan egile eta poeta aski hurbilekoa dudala. Aski erran dut, ez guztiz hurbilekoa. Liburua eskuratu eta irakurri izanak bidea zabaldu(ko) ote didan harengana areago hurbiltzen. Hala bedi! Alegia, bera bada NI, ni naiz ZU. BI alegia. Eta BIDEAN aurkitzea hitzartu dugu dagoeneko.

Bidez bide noala, poesiaren loraldia aipatu dut sarreran. Demagun JoxAnton Artze dela poeta, poeta eta poesia eskolaren maisua. Andoni berriz bere dizipulua. Eta laguna, jakina. ZU eta NI dira biak. Bidean. Bidean jarraitzaile izaki, Artzeren txoria bezala aske.

Hona bidez bide antzemandako lore bat: “Lorea aideratuko balitz —nik zalantzarik ez— tximeleta litzateke; tximeleta lurrean itsatsiz gero, lore ziur”. Hara, horiek liburuaren azal hegaleko olerkiak dira. Gero Andoniren poemak datoz. Egunsentian abiatu da poeta Arkibidetik. Eguerdia aldean, eguzkia ortzi erdian dela, Aurkibidean dago poeta, Eguteran. Ilunabarrean berriz Aurpidea aurkitu du poetak.

Horiek dira poetaren mapa ibilbidea. Horiek trazatu dituen koordenadak. Bizitzari zentzu eman beharrez, aurkitze lanetan eta gogoetan joan badoa gizona. Bakardadean itxuraz, itxuraz diot, natura eta gogoetak baititu bidaide eta gogaide. ZU. NI. BI. BIDEAN alabaina, bi baino gehiago dira. Liburua bera den bezala. Bi ez ezik, poeta eta bere bide laguna, hainbat lagunen laguntzaz egina ere da liburu hau: marrazkigilea, argazkigilea, maketatzailea, bidelagun poeta eta begiralea. Poeta joan badoa bidean, baina ez doa bakarrik. Liburua, auto-edizioa izaki, poemak berauek bezala maitasunez egina dago. Andoniren emari hau eskutan hartu eta maitatzen uzten dizun lore bitxia da. Opari eta emari baita.

Azken kritikak

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Zakur zaunkak
Iñaki Irazu

Hasier Rekondo

Bufalo guztiak
Juanra Madariaga

Paloma Rodriguez-Miñambres

Independentzien eguzkiak
Ahmadou Kourouma

Jon Jimenez

Zirriborroak eta gero
Askoren artean

Asier Urkiza

Zirriborroak eta gero
Askoren artean

Amaia Alvarez Uria

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak