kritiken hemeroteka

8.059 kritika

Azken kritikak

« | »

Aitaren etxea / Karmele Jaio / Elkar, 2019

Aitaren etxea Aritz Gorrotxategi / El Diario Vasco, 2020-01-22

Bikote guztietan daude agerikoagoak eta ezkutuagokoak diren gauzak. Izeberg tankerakoak. Isilagoak edo zalapartatsuagoak. Eta bikotekide guztiek ehuntzen dute beren bikote-bizitzaren kontakizuna, beren bertsio ofiziala, sarritan bat ez datorrena. Modu gordinean ikus daiteke hori Noah Baumbachen “Historia de un matrimonio” pelikulan, dibortzio baten prozesuarekin zaildua. Modu leunagoan, berriz, Karmele Jaioren “Aitaren etxea” eleberrian. Ismael idazle arrakastatsua da, baina blokeatuta dabil orain. Haren emazte Jasonek idazle izan nahi zuen, baina senarraren zuzentzaile lanak egitearekin konformatu behar izan du (“Ni ez naiz ni izan”).

Irudi esanguratsu batek laburbildu eta zeharkatzen du nobela. Ismaelen amak dirua eskatzen zion senarrari berak zerbait aurreztu eta larruzko beroki bat erosteko. Halako batean, senarrak diru hura zegoen kutxa hartu, eta eskopeta berri bat erosteko erabili zuen, emazteari ezer esan gabe. “Denean daude botere harremanak”, ondorioztatzen du liburuko pertsonaietako batek. Batez ere maitasunean.

Hainbat gauza jorratzen dira: gurasoen eta seme-alaben arteko harremanak; belaunaldi eta ikuskera ezberdinen arteko talka; ehizaren inguruko metafora eder eta mingarriak; gatazkaren zama; taldean doazen txorien ibilbide bitxia, beti aurrena doanari jarraiki; ohartzeke gurasoen antza hartzen doazen seme-alabak eta hauen kontraesanak… Prosa argiz idatzia, ezagutzaz mintzo da generoen arteko oreka-desorekez, eta gai da ikuspegi ezberdinak emateko, bataren edo bestearen erruduntasunean erori gabe. Hausnarketara bultzatzen du liburuak ikuskera eraikitzailez, eta “enpatia” kontzeptuaren zirrikituetan murgiltzen gaitu. Edozein irakurlerentzat gomendagarri, izan gizon zein emakume.

Azken kritikak

Berriz zentauro
Katixa Agirre

Ibon Egaña

Amatu
Maite Lopez Las Heras

Mikel Asurmendi

Berriz zentauro
Katixa Agirre

Irati Majuelo

Kale gorriko umeak
Pier Paolo Pasolini

Ibai Atutxa Ordeñana

Berriz zentauro
Katixa Agirre

Jon Martin-Etxebeste

Azken etxea
Arantxa Urretabizkaia

Mikel Asurmendi

Hamahiru ipuin
Luisa Carnes

Asier Urkiza

Ethan Frome
Edith Wharton

Nagore Fernandez

Hamahiru ipuin
Luisa Carnes

Ainhoa Aldazabal Gallastegui

Ipuina engainua da
Iban Zaldua

Jon Martin-Etxebeste

Poema liburu bat —irakurtzeko jarraibideak—
Angel Erro

Irati Majuelo

Hotza bazkatzen
Izaskun Igoa Jaimerena

Maddi Galdos Areta

Ganorexia
Iñaki Segurola

Asier Urkiza

Haurrek hitza
Lidia Txukovskaia / Lidia Zhukova

Nagore Fernandez

Artxiboa

2022(e)ko azaroa

2022(e)ko urria

2022(e)ko iraila

2022(e)ko uztaila

2022(e)ko ekaina

2022(e)ko maiatza

2022(e)ko apirila

2022(e)ko martxoa

2022(e)ko otsaila

2022(e)ko urtarrila

2021(e)ko abendua

2021(e)ko azaroa

Hedabideak