kritiken hemeroteka

7.777 kritika

Azken kritikak

« | »

Derbia / Joan Mari Irigoien / Elkar, 2019

Umorea futbolaren gainetik Aitor Francos / Bilbao, 2019-10

Badago Euskal Herriko literaturan umorerako joera arrakastatsua, liburuak entretenigarriak eta arinak egiteko asmo zintzoa. Hor daude, besteak beste, Jon Arretxe eta Joxean Sagastizabalen izenak, idazle askoren artean, hainbat eta hainbat argitalpen izan dituzten liburuekin, garai batean euskaltegietan maiz gomendatuak zirenak, euskararen ikaskuntzarako bide ona barrearen bitartez izan daitekeelakoan. Joan Mari Irigoien, dena den, ez da bereizi idatzi dituen obretan bakarrik umoreagatik, drama epikoa eta nobela arrunta, haur eta gazteei zuzendutako literaturarekin batera, ukitu ditu sarritan (baten batek Babilonia izango du gogoan, non estiloa errealismo magikotik nahiko hurbil zegoen) eta, era ugaritsuan, beste zenbait genero, poesia batik bat, inoiz alde batera utzi ez duena. Joan Mari Irigoienek Euskal Herriko letretan leku adierazgarria betetzen du nobelagile gisa, hala garrantziaz nola ospez. Baina poztekoa da beti bera bezalako idazle batek normalki egiten duenaz aldentzean ahots berezi eta estilo fresko batekin baldin badator. Askotan Irigoienek nobelagaitzat nagusiki Euskal Herriko espazioa hartzen du, hemengo ardurak, baina bere lurraldea izatearen gainetik, esanahi sinbolikoa ere iradokitzen zaigu, Irigoienenak beti karga etnografiko handiko eleberriak direlako. Gaiak ere errepikatu ohi ditu, futbolarena, zehazki, Odolean neraman agertzen baitzen. Derbia (Elkar, 2019) honetan, futbol zaleen munduan sartzen da guztiz Irigoien, Athletic-eko eta Errealeko norgehiagoka mitikoak gizartean duen eraginean. Derbi hitza, berez, hiri edo herri bereko bi taldeen arteko lehia izendatzeko balio du. Irigoienek, edozelan ere, liburu honetarako, nola edo hala, Roald Dahlen, Tom Sharperen eta Eduardo Mendozaren moldea jarraitzen du. Derbia-n perfektu dago egituraturik kontakizuna, denboraren dosifikazioa, berba-jokoak, euskara bera memento orotan dotorea eta jostalaria. Egileak atal bakoitzaren aurrean, sarreratxo bat jartzen du, bertan zer irakurriko denaren laburpen irrigarria. Idazkera txukuna eta garbia du Irigoienek, ez dago ezer ez soberan, eta, egia esanda, behin baino gehiagotan deskribatzen dituen eszenak eta ikuskizunak parodikoak dira, eta beraz, erabat surrealistak, ia gertatu ezinekoak, baina dibertigarriak. Umorearena ez da bide erraza arrakastatsu irteteko, baina Irigoien lehenengo orrialdetik ustekabean harrapatzen du irakurlea bere sarean eta algara ugaria sorraraziko diona. Asmoz eta jarreraz, nobelaren funtsa futbolaren inguruan sortu ohi diren elkarrizketak, gorrotoak, burugabekeriak eta egoera ezatseginen salaketa da. “Kolokialismoa”, fartsaren tonua, hitz jokoak, han eta hemen, dena betetzen dute Derbia-n: komedia lotsagabea, ausarta, betidanikoa eta, aldi berean, modernoa, XXI mende honen kronika ere egiten diguna. Atsegina ziztu batean irakurtzeko.

Azken kritikak

Algara mutilatuak
Ane Labaka Mayoz

Irati Majuelo

Poesia kaiera
Christopher Okigbo

Igor Estankona

Iturria
Unai Elorriaga

Iban Zaldua

Sotoan gordeak
Miren Gorrotxategi

Arrate Beristain Uriarte

Etxeko urak
Leire Bilbao

Jose Luis Padron

Arkanbele kantak
Mikel Taberna

Aiora Sampedro

Mizia min
Jon Ander Urkiaga

Nagore Fernandez

Algara mutilatuak
Ane Labaka Mayoz

Ainhoa Aldazabal Gallastegui

Poesia kaiera
Edna St. Vincent Millay

Igor Estankona

…eta infernuko demonioa adiskide
Iñaki Irisarri

Paloma Rodriguez-Miñambres

Zartatua / 4.48 Psikosia
Sarah Kane

Amaia Alvarez Uria

Erabili goldea hilen hezurren gainetik
Olga Tokarczuk

Irati Majuelo

Lilurabera
Yurre Ugarte

Paloma Rodriguez-Miñambres

Dendaostekoak
Uxue Alberdi

Mikel Asurmendi

Artxiboa

Maiatza 2021

Apirila 2021

Martxoa 2021

Otsaila 2021

Urtarrila 2021

Abendua 2020

Azaroa 2020

Urria 2020

Iraila 2020

Abuztua 2020

Uztaila 2020

Ekaina 2020

Hedabideak