kritiken hemeroteka

8.350 kritika

« | »

Maitatu zure egunak / Pako Aristi / Erein, 2018

Udazkeneko kolorea Javier Rojo / El Correo, 2018-09-08

Azken urte hauetan ematen du Pako Aristi eroso sentitzen dela poesia idazten. Halaxe ondorioztatu daiteke bere azken emaitzak ikusita. Bestalde, aspaldian alde batera utzita dauzka bere garaian hain ezagun egin zuten probokatzeko asmoak. Helduaroak mundua lasaitasunez ikustera eraman du, bizitza bere aurrean nola pasatzen den talaia batetik begira egongo balitz bezala. Ikuspuntu eta tonu hauek nabarmenak dira argitara eman duen azken poema liburuan, “Maitatu zure egunak” izenburua daukan idazlan honetan. Poeta helduaro betean dago, eta horrek ematen dio mundua eta bizitza ikusteko perspektiba. Gaztaroko lehiek neurri handian galdu dute zentzua bizitzaren puntu horretara helduta, eta haien gainetik ikuspegi sosegatua gailentzen da. Eta ikuspegi lasai horrek erakusten du bizitzan benetan inporta duten gauzak askotan txikienak eta gutxien; nabarmentzen direnak direla.

Poemak udazkeneko koloreaz idatzita daudela esan daiteke, melankoliaz zipriztinduta. Izan ere, denbora igaro da, eta igarotzearekin batera orainean iltzatzen du begirada: orain eta hemen egoteak, momentuon egiten denak, du balio, etorkizunerako asmoak alferrikakoak diren heinean. Hau guztia islatzeko, naturalezaren presentzia ezinbesteko osagaia da poema hauetan, bere erritmoen bidez bizitza azaltzeko ahalmena baitu. Eta naturalezaren elementuen artean itsasoak ematen du toki hautatua duela, iradokitzaile eta bortitz, hau guztia adierazteko. Pako Aristiren poemetan, beraz, naturalezaren deskripzioa topatzen dugu, baina ez da deskripzio soilean geratzen, alegorizatuta agertzen zaigu-eta. Deskripzio hauek egiteko batzuetan eredu tradizionalak gogorarazten dituen metrika erabiltzen du, baina oso era sotilean, metrika tradizionalaren aztarna xume batzuk besterik ez baitugu aurkitzen orrialde hauetan.

Poeta helduarora heldu da, eta bere esperientzia zabaldu nahi duenez, noizean behin tonu profetikoa ere topa dezakegu, bidea erakusten duen gidaria izango balitz bezala. Egia ulertu du, egia hau letra larriz idazten den horietakoa ez bada ere. Izan ere, bizitza modernoak benetan inporta duena estaltzen duen harrabots handiegia ateratzen du askotan.

Azken kritikak

Sorginak, emaginak eta erizainak
Barbara Ehrenreich / Deirdre English

Ainhoa Aldazabal Gallastegui

Ez naiz ondo akordatzen
Karlos Linazasoro

Mikel Asurmendi

Gerezi-denbora
Montserrat Roig

Amaia Alvarez Uria

Presbiziak lagundu omen digu
Edu Zelaieta

Mikel Asurmendi

Itsaso amniotikoa
Oihane Jaka

Aitor Francos

Itzulpena-Traducción
Angel Erro

Jon Jimenez

Itzulpena-Traducción
Angel Erro

Asier Urkiza

Maitasuna eta dirua, sexua eta heriotza
Mckenzie Wark

Nagore Fernandez

Fiesta: Eguzkia jaikitzen da
Ernest Hemingway

Aritz Galarraga

Biharraren hegietan
Maddi Sarasua Laskarai

Maddi Galdos Areta

Gaueko azken expressoa
Eneko Aizpurua

Aiora Sampedro

Aingeruak eta neskameak
June Fernandez

Ibon Egaña

...eta gauetik, euria
Fertxu Izquierdo

Nagore Fernandez

Nekropolia
Boris Pahor

Asier Urkiza

Artxiboa

2024(e)ko uztaila

2024(e)ko ekaina

2024(e)ko maiatza

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

Hedabideak