kritiken hemeroteka

8.496 kritika

« | »

Azala erre / Danele Sarriugarte / Elkar, 2018

Azala eta izaera Javier Rojo / El Diario Vasco, 2018-04-14

“Azala erre” du izenburua Danele Sarriugarteren bigarren nobelak. Idazleak ospea lortu zuen 2014an argitaratutako lehenengo nobelarekin, “Erraiak”-ekin. Beraz, gaztea bada ere, ez da ezezaguna euskal letretan. Oraingo honetan argitaratu den idazlanean, Miren izeneko pertsonaia aurkezten zaigu. Ikus-entzunezkoetan trebatutako artista dugu Miren, eta alor horretan egindako lan batzuengatik entzutetsu izaten hasi da. Hori dela-eta, hautatu dute arte sariketa batean epaimahaian parte har dezan. Horixe da egoera orokorra. Argumentua bere estudioan diruz betetako gutunazal bat agertzean hasten da.

Nahi gabe ere misterio nobelaren aurrean dagoela pentsa lezake irakurleak, thriller bat dela alegia, eta gutunazalaren misterioaren inguruan arituko dela argumentua. Baina ez da horrela. Intriga egon arren, garrantzitsuena pertsonaiaren bilakaeran aurkitu behar dugu. Izan ere, hasieratik Miren sare sozialetan engantxatuta dagoela aurkezten zaigu. Goizeko lehen orduetatik sare sozial horietan berari buruz zer esango duten zain dago. Sareetan beren izaerak bilatzen dituzten pertsonaia gehienak bezala egoera kontraesankorrean aurkitzen da Miren, zeren berak eman nahi duen irudia, besteek haren inguruan eraikitzen duten irudia eta bere benetako izaera tirabiran baitaude, halako moduan non bere benetako izaera besteek hari buruz duten irudi horretan gauzaturik agertzen baita. Alde horretatik begiratuta, nobela honetan kontatzen zaigun anekdotaren azpian sare sozialen garaian norberaren identitatea nola antolatzen den azaltzen da, eta identitate hori, besteek eraikia den aldetik, faltsua baino ezin da izan. Argumentuan kontatzen diren anekdotekin batera, pertsonaia bere benetako izaeraren bila doa, besteen begiradek inposatutako kateetatik aske.

Azken boladako kontakizun askotan sare hauen garrantzia azpimarratuta geratu da. Irudiaren garaian bizi gara eta egoera honetan azalkeria norberaren garapenerako traba handia izaten da, batez ere, norberak bere autoirudia besteek eraiki dezaten uzten badu.

Azken kritikak

Zuzi iraxegia
Amaia Alvarez Uria

Ainhoa Aldazabal Gallastegui

O.ten gaztaroa neurtitzetan
Arnaud Oihenart

Gorka Bereziartua Mitxelena

Ez-izan
Jon K. Sanchez

Aiora Sampedro

Pleibak
Miren Amuriza

Jon Jimenez

Ehun zaldi trostan
Ainhoa Urien

Asier Urkiza

Oroi garen oro
Beatriz Chivite

Nagore Fernandez

Jakintzaren arbola
Pio Baroja

Aritz Galarraga

Antropozenoaren nostalgia
Patxi Iturregi

Hasier Rekondo

Francesco Pasqualeren bosgarren arima
Unai Elorriaga

Mikel Asurmendi

Baden Verboten
Iker Aranberri

Paloma Rodriguez-Miñambres

Ezer ez dago utzi nuen lekuan
Itziar Otegi

Mikel Asurmendi

Dolu-egunerokoa
Roland Barthes

Asier Urkiza

Guardasol gorria
Lutxo Egia

Nagore Fernandez

Zero
Aitor Zuberogoitia

Jon Jimenez

Artxiboa

2025(e)ko maiatza

2025(e)ko apirila

2025(e)ko martxoa

2025(e)ko otsaila

2025(e)ko urtarrila

2024(e)ko abendua

2024(e)ko azaroa

2024(e)ko urria

2024(e)ko iraila

2024(e)ko abuztua

2024(e)ko uztaila

2024(e)ko ekaina

Hedabideak