susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Begi saminak | Jauzi batzuk »

Errautsera arteko sugarra / Imanol Zurutuza / Elkar, 2002

Heriotzaz Javier Rojo / El Correo, 2002-12-18

Imanol Zurutuzak eginbehar latza hartu du bere gainean “Errautsera arteko sugarra” izeneko liburu hau (ez dakit zein neurritaraino dei daitekeen nobela) idaztean. Izan ere, idazleak bere biografiarekin zerikusi zuzena duen gertakari bat kontatu nahi izan du: minbiziak eramandako emaztearen heriotza. Honetarako, idazlearen egoera berberean dagoen protagonista bat hautatu du, pertsonaia honek, nobela bat idaztean, bere emaztearen heriotza konta dezan. Protagonista, narratzailea eta idazlea bereizi ezinak izateko punturaino nahasten dira planoak, eta hau guztia egiten da nobela honetan sentiberakeriatik ahalik eta urrunen egoteko helburuarekin, ahal den neurrian behintzat, kontatzen dena objektiboa izateko asmoarekin. Literaturak eskaintzen dio idazleari hori lortzeko baliabidea. Literaturak eskaintzen dio idazleari hori lortzeko baliabidea. Heriotzaz ez era abstraktu batean hitz egiteko. baizik-eta hurbileko pertsona baten sufrimenduaz eta heriotza errealaz aritzeko, literaturak, hau da, aurretik idatzita dagoenak, euskarria eskaintzen du. Aipamenek eta gai batzuen bilakaera errepikakorrak (sinfonia batean musika-esaldi bat behin eta berriro agertzen den bezala) betetzen dute testu hau, eta batzuetan pixka bat monotonoa izan daiteke. Dena dela, sentimenduak neurriz azaltzen jakin du.