susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Bordaxuri | “Txirrita” »

Burruntziya / Toribio Altzaga / Auspoa, 1963

Burruntziya Luis Mitxelena / Egan, 1963

Garai batean euskal teatroa landu zutenen artean, uste dudanez, gailen eta nabarmen agertzen zaigu Alzaga, bere-berea zuen sailean behintzat. Komeriaz ari naiz, esku trebea baitzuen, era berri ausartetara jo gabe, jendeari parre eragiteko. Zorrotza zen pertsonak eta pertsonen xelebrekeriak begiz jotzeko, bazekien korapilo politak lotzen eta, lotzen ez ezik, baita lotu ahala askatzen ere, ez ikuslearen buru haustetarako, atseginerako baizik.

Lau ekitaldi bakarreko jostirudi daude hemen bilduak: Burruntziya, Bernaiño-ren larriyak, Txibiribiri eta San Tomas-eko feriya. Azkeneko hau da zaharrena, 1892an aurkeztua estreinako aldiz Donostiako Teatro Zaharrean eta 1894ean argitara emana, Donostian bertan.

Bilduma polita benetan eta askok irakurriko duena. Irakurgai atsegina da edozeinentzat, bai lehen ikusi dituztenentzat eta bai ezagutzen ez dituztenentzat ere.