susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« “Uskeriak” | Jolasak »

Bordaxuri / Piarres Larzabal / Auspoa, 1962

Bordaxuri Luis Mitxelena / Egan, 1962

Euskal idazleen barrutian inork baldin badaki nora doan eta norekin ari den, Piarres Larzabal apaiz teatrogilea duzue inor hori. Begiz jo duen mailan, gainera, ederki biribildurik, tornutik irten berriak bezala, agertzen dira honen lanak, bai dramak eta bai komeriak. Bordaxuriren gertakari negargarria Galerianoaren kantuen iturburua, sail hartakoa duzue. Ez zait berehalakoan ahaztuko oraindik orain, Pabeko Pirineisten batzarrean, hartu nuen bihotzondokoa Haritschelharrek gure bertsolariaren bizitza eta heriotze tristeaz, galeretan hil baitzen, argitasun berriak ematen zizkigularik.