susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Aihen ahula | Idazkera bikaina »

Inon ez, inoiz ez / Iban Zaldua / Elkar, 2014

Hemen eta orain Iñigo Basaguren-Duarte / barnezine.com, 2014-05-16

Inon ez, inoiz ez (Elkar, 2014) Iban zaldua idazle donostiarraren azken lana da. Berriz ere, ipuin bilduma batekin datorkigu, bere eremu naturala dena. Bertan ondoen moldatzen da eta bere dohaiak hobekien erakusten ditu. 38 ipuin guztira, bere lanik luzeena den honetan. Bertan Zalduaren hain berezkoak diren kontakizunak aurkituko ditugu, fantasiazko osagaiak eta errealitatea uztartzen dituztenak.

Gaiei dagokienez, bere betiko obsesioak aurkituko ditugu: musika, gizarte harremanak, gauza —euskal gatazka izendatzeko erabiltzen duen terminoa—, heriotza,… Oraingoan euskal gatazka politikoari bloke oso bat esketzein dio —Hemen eta orain izenekoa— non modu kronologikoan azkeen urteetako gertakariei errepaso bat ematen dien, beti ere bere ikuspuntutik. Heriotzarena ere besteetan baino presenteago dagoen gaia da. Modu berean aitatasun-amatasuna, obsesioak —hipokondriako kronikoak garenontzat “Lerro hori bat, lerro gorri bat” ipuina ispilu bati begiratzea bezalakoa da—, zahartzaroa, heldutasunaren erantzunkizunak,… aurkituko ditugu.

Irakurlearekin jolasten du Zalduak. Bera eroso sentitzen den eremura garamatza, beti erraza izango ez den bidaia batetan bidezidorrak zeharkatuz eta bihurguneetan galduz. Fantasia erabiltzen duela aipatu dugu, baita absurdua eta bukaera kafkiarrak ere, beti ere errealitatearen irudikapena egiteko.

Hemen eta orain gertatzen dira kontakizunak. Baita inon ez eta inoiz ez. Historiarekin, denborarekin eta espazioarekin bikain jolasten du. Gure iragan hurbilaren erradiografia ederra, Zalduaren azken lan honetan eskeintzen zaiguna.