susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Europa amets | Ingeniozko zipriztinak »

Paperezko hegazkinak / Lutxo Egia / Susa, 2002

Hedabideei kritika Javier Rojo / El Correo, 2002-08-07

Lutxo Egiaren lehenengo nobela da, oker ez banago, “Paperezko hegazkinak”, baina, lan konplexua egiten ahalegindu delako-edo emaitzak genero honetan gehiago trebatutako ¡dazle batena dirudi. Narrazioa elkarren eraginpean daunden plano desberdinetan ematen da. Batetik, protagonistak Londresen burutu nahi duen ikerketa dugu, Espainiako Gerra Zibilean ibilitako kazetari baten aztarnaren atzetik. Londresen zehar egiten dituen ibilbideak eta ezagutzen dituen pertsonak agertzen zaizkigu plano honetan. Bestaldetik, ikerketak eskaintzen dituen emaitzak islatuta ikusten ditugu, gerraren lekukoek kontatutakoek ere bere tokia baitute narrazioan. Hirugarrenez, Euskal Herriaz garai hartako eta oraingo hedab¡de desberdinetan kontatzen denaren zati bat ere agertzen da: Nobela, kontaera nahasiaren eta idazlearen buruan ondo planifikatutako egitasmo baten artean mugitzen da. Edonola ere, argi dago idazleak gerra garaiko eta oraingo hedabideen artean paralelismoak erakusteko asmoa duela, gai gatazkatsuen aurrean hedabideek informazioa manipulatu egiten dutelakoan, gatazkan bertan eragingarri (“paperezko hegazkinak”) izan arte. Idazleak erakutsi nahi duen jarrera kritiko honetan, jakina, ideologiak oinarrizko lekua izango du.