kritiken hemeroteka

7.591 kritika

Azken kritikak

« | »

Elkartasun basatia / Oier Guillan / Susa, 2013

Aldarrikapen poetikoak Javier Rojo / El Diario Vasco, 2013-05-24

Euskal poesia poeta erromantikoz beterik dago. Batzuek era kontzientean eta beldurrik gabe planteatzen dute beren literatur erroak erromantizismoan daudela. Baina beste batzuek, beren burua poeta erromantiko gisa aurkeztea lotsagarria izango balitz bezala-edo, izugarrizko ahaleginak egiten dituzte jatorri horiek ezkutatu nahian. Eta neurri batean lortzen dute, forman behintzat, poesia erromantikoa definitzen duten azaleko osagaiak baztertzen baitituzte, gaurko garai ironikoekiko sintonia handiagoan dagoen hizkera poetikoa erabiliz. Baina pixka bat arakatuz gero, forman halako aldaketak daudela nabarmentzen bada ere, ezin esan daiteke gauza bera gertatzen dela poetek erakusten duten jarrerarekin, nahi gabe ere jarrera erromantikoa azalduko baita mo.menturen batean. Eta nire ustez, ezin izan daiteke beste era batez, aldez edo moldez pertsona batek poesia idatziko duela erabakitzen duenean jarrera erromantikoren bat erakutsi behar baitu, diletantea edo zinikoa izan ezean. Hau guztia etorri zait burura Oier Guillanen Elkartasun basatia irakurtzerakoan.

Euskal poesian hainbatetan ikusi dugun poesia moldea erabiltzen du idazleak: poema narratiboak eta surrealismoa gogora ekartzen duten irudien pilaketak, errealitate bortitza eta neurri batean marjinala planteatzen dutenak. Poetak, azken finean, munduarekiko desegokitasuna erakusten duelarik, erromantikoaren presentzia nabarmentzen digu. Egia da pertsona batek munduarekiko desegokitasun hori sentituko ez balu ziur aski ez litzatekeela poeta izango, eta, alde horretatik begiratuta, alferrikako borroka da erromantizismotik aldentzea, erromantizismo hori `zikina’ bada ere.

Poema interesgarriak eta topiko xamarrak iruditu zaizkidanak tartekatzen dira liburu honetan, behin baino gehiagotan aldarrikapena dirudien poesia baten bidez.

Azken kritikak

Izuaren osteko gogoeta
Susan Buck-Morss

Ibai Atutxa Ordeñana

Haize-lekuak
Amaia Telleria

Javier Rojo

Bideko hitza. Euskal poema modernoen antologia (1951-2019)
Askoren artean

Igor Estankona

Ibaiertzeko ipuina
Oihane Amantegi Uriarte

Hasier Rekondo

Ibaiertzeko ipuina
Oihane Amantegi Uriarte

Javier Rojo

Hizlandia
Iñigo Aranbarri

Aritz Galarraga

Mami Lebrun
Kepa Errasti

Javier Rojo

Poesia guztia
Safo

Igor Estankona

Gilles de Rais
Anjel Lertxundi

Javier Rojo

Bazterreko ahotsak
Miren Tirapu Goikoetxea

Amaia Alvarez Uria

Poesia guztia
Safo

Javier Rojo

Bakezale gerlari horiek
Bixente Serrano Izko

Txema Arinas

Moskito
Igor Estankona

Aitor Francos

Nobela errealista bat
Joxean Agirre

Marta Goikoetxea

Artxiboa

Abuztua 2020

Uztaila 2020

Ekaina 2020

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Hedabideak