kritiken hemeroteka

7.500 kritika

Azken kritikak

« | »

Hariaz beste / Aritz Gorrotxategi / Erein, 2011

Hausnarketa eta poesia Javier Rojo / El Correo, 2012-04-21

Aritz Gorrotxategik pentsamendua eta poesia uztartzen ditu Hariaz beste izenburua duen poema liburu honetan, bere literatur jarduera gogoeta-poesia dei daitekeen horretan kokatuta. Helburu horrekin hariaren metafora ardatz nagusitzat erabiltzen du idazleak. Izan ere, hariak konnotazio bereziak ditu. Batetik, hariak labirintoan ez galtzeko euskarria eskaintzen du, eta planteamendu honi esanahi existentziala bilatu nahi badiogu, esan dezakegu labirintoarekin parekatu daitekeen existentzia batean haria izango litzatekeela existentzia horri nolabaiteko zentzua ematen dion osagaia. Bestaldetik, haria harriari ere kontrajarrita agertzen da. Haria, arkuaren haria adibidez, bi puntuen artean kokatutako tentsioaren adierazpena izango litzateke, harriaren bidez irudikatu ohi den trinkotasun geldoaren aurrean. Gauzak horrela, haria bizitzaren dialektikaren metafora bihurtuta ikusten dugu. Honez gainera, poema hauetan agertzen den erreferentzia munduan Grezia zaharra hautazko osagai moduan azaltzen zaigu. Honetan irakurleak printzipioen aldarrikapena ikus dezake, zeren poesian mundu klasiko hori agertuta, idazlearen planteamendu poetikoa Greziak suposatzen duen filosofiaren hastapenei loturik agertzen baita. Hausnarketa egiterakoan bidezidorrek metafisikara eramaten dute, askotan denbora eta espazioa pentsamendu-gai nagusiak izaten dira eta. Baina metafisika honetan gizakiaren presentzia ez da ahazten, erdigunean eta erreferentzia-puntu nagusi bezala gizakia bera agertuta, hausnarketa abstraktutik gizakiaren neurriko existentzia mingarrira pasatzen baita poesia, non heriotzaren aurrean bizitzaren helburua zein izan daitekeen galdetzen den. Eta ibilbide honetan, hariaren metaforaz gain, beste osagai batzuk agertzen zaizkigu, liburuari batasuna ematen diotenak.

Azken kritikak

Kapitalismoa eta emakumeen aurkako indarkeria
Silvia Federici

Irati Majuelo

Txipiroiak bere beltzean
Rafa Egiguren

Hasier Rekondo

Zendabalitz
Erika Elizari

Javier Rojo

Etxera bidean
Xamar

Mikel Asurmendi

Miñan
Amets Arzallus Antia

Mikel Asurmendi

Zendabalitz
Erika Elizari

Aiora Sampedro

Isiltasun urte luzeak
Francisco Castro

Joannes Jauregi

Bertsoaren harria
Koldo Izagirre

Mikel Asurmendi

Karanbola hirukoitza
Eneritz Artetxe

Amaia Alvarez Uria

Bilduma bat
Sandro Penna

Irati Majuelo

Bilduma bat
Sandro Penna

Igor Estankona

Etxeak eta hilobiak
Bernardo Atxaga

Javier Rojo

Aitaren etxea
Karmele Jaio

Mikel Asurmendi

Izurria
Albert Camus

Txema Arinas

Artxiboa

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Maiatza 2019

Apirila 2019

Hedabideak