kritiken hemeroteka

8.288 kritika

« | »

Aitaren pitokeriak / Justin Halpern (Uxue Alberdi) / Alberdania, 2011

Aitaren burutazioak Javier Rojo / El Correo, 2012-01-14

Justin Halpern idazle estatu batuarra umorezko testuen idazketan aritzen da, batez ere formatu digitaleko hedabideetan. Horretan aritzen delarik, bere aitaren irtenaldi eta burutazio bitxiek altxor paregabea osatzen dutela konturatu eta haietan oinarrituta Aitaren pitokeriak izenburua duen liburua argitaratu du. Ez dakit, ezin jakin, zein puntutaraino den benetakoa bertan kontatzen dena eta zein punturaino asmazioaren ondorioa. Eta egia esan, berdin dio, autofikzioaren kontzeptua laguntzera etortzen zaigun ber. Edonola ere, liburuan azaltzen zaigunaren arabera bertan agertzen direnak benetakotzat hartu behar dira. Izan ere, narratzaileak, Justin Halpernek berak, hogeita zortzi urte dituela bueltatu behar izan du gurasoen etxera, neskalagunarekiko harremana hautsi ondoren. Eta gurasoen etxera bueltatze horren ondorioz-edo, konturatu da aitari bururatzen zaizkionak material onak izan daitezkeela liburu bat idazteko. Liburuan hainbat atal agertzen dira, gehienetan ordena kronologikoa errespetatzen dutenak, aitaren hitzekin eta ideiekin batera narratzailea haurtzarotik gaztarora hazten ikusiko baitugu. Atal bakoitzean aitarengandik jasotako aipu berezi horietako batzuekin batera, hitz horiek esan zireneko testuingurua agertzen zaigu azalduta, narrazio laburra osatuz. Eta aitaren hitzetan ikusiko dugu nola gizon hori nahiko zakarra den, sentimenduak plazaratzeko gai ez dena, baina edonola ere bere erara eta gehiegi adierazi gabe ingurukoak maite dituena. Semeari, noski, ez zaio gustatzen aitaren izaera hori, besteak beste aitaren izaera horrengatik behin baino gehiagotan lotsagarri geratu baita. Aita zakarra da, eta gauzak zuzen eta apaingarririk gabe esatea gustatzen zaio eta gehienetan bost axola zaio zein den besteen iritzia. Bere ideiak azaltzen dituenean ondoan nor duen kontuan hartzen ez duelarik, egoera deserosoak sortzen zaizkio semeari. Baina poliki-poliki semea aitaren izaera hori onartzen joango da, bien artean konplizitate berezia sortzeraino. Liburua, berez, umoretsua eta dibertigarria da, aitaren irtenaldiek eta semeari pasarazten dizkionek gizarte politikoki zuzenaren kontrako irudi bat uzten baitute. Baina eskema hainbeste errepikatzen da non azkenean pixka bat monotonoa izatera ere iritsi baitaiteke. Egia da: askotan gurasoek ez dituzte seme-alabak ulertzen; baina argi dago seme-alabei ere gurasoen mundua ulertezina zaiela askotan.

Azken kritikak

Gizon barregarriak
Joxean Agirre

Asier Urkiza

Barbaro iraun
Louisa Yousfi

Amaia Alvarez Uria

Izotz ura
Lide Hernando Muñoz

Aiora Sampedro

Palestinaren okupazioaz eta kolonizazioaz
Perry Anderson

Irati Majuelo

Itzulerak
Miren Agur Meabe

Aiora Sampedro

...eta gauetik, euria
Fertxu Izquierdo

Jon Jimenez

Carvalho Euskadin
Jon Alonso

Asier Urkiza

Hitzak palmondo
Silvia Federici

Nagore Fernandez

Altxa, hildakoak
Fred Vargas

Ainhoa Aldazabal Gallastegui

Alderdi komunistaren manifestua
Karl Marx / Friedrich Engels

Aritz Galarraga

Maitasun kapitala
Karmele Jaio

Mikel Asurmendi

Larrosa bat Groenlandian
Iban Garro

Paloma Rodriguez-Miñambres

Jausiz
Alain Mendizabal Diaz

Maddi Galdos Areta

Hiriak eta urteak
Xabier Montoia

Irati Majuelo

Artxiboa

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

2023(e)ko ekaina

2023(e)ko maiatza

2023(e)ko apirila

Hedabideak