susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Bitan galtzaile | Epika eta Lirika. Izan vs Egon. Pika eta Ebats »

Aralar, gogoko iturri / Koldo Zubeldia / Erroteta, 2011

Izenaren zama Juan Ramon Makuso / El Diario Vasco, 2011-08-12

Ez da erraza izaten poesia idaztea eta argitaratzea. Norberak jakiten du bere idazte prozesuan ze bideak eta maldak igarotzen dituen. Koldo Zubeldiak, aurretik, hiru poesia liburu eta antologia bat argitaratuak ditu. Oraingo honetan bere bosgarren lana plazaratu du, Aralar, gogoko iturri. Koldo Zubeldiak bere ibilbide poetikoan, ezaugarri bat erakusten du eta da, errima oso gustukoa duela, eta hau gure euskal paisaia poetikoan, ez da ohikoa. Ezaugarri honek, gutxienez ezberdindu egiten du besteengandik Koldo Zubeldiaren lana. Beste ezaugarri bat da, naturarekiko duen atxikimendua. Eta liburu hau horren erakusle da, hasita izenburutik. “Aralar / Baso zelai izugarri / Zaitugu artzaiak eta mendizaleak / Landua / Lizar huts hostotsu / Estimatua”. Bere ibilbidean, balio filantropikoen alde egin du eta hau bere neurtitzetan, poemetan, islatua dago. Bere idatziek, laburrak, sentimenduen isla dute, nahiz eta errazkeria diruditen, estiloaren kutsuagatik beharbada, “Arratsaldeko / Bakardadetan / Doi zaude zu / Eta zure soin bihur hori / Nire malkoei atxikia da / Maitasunaren iturri / Pentsatu gustatzen zatzaizkidala / Eta maite zaitudala / Aztiriagako iturri”. Arestian aipatu dut Koldo Zubeldiak, naturarekin duen lotura, eta honek eramaten du bere lurrari, herriari,gertutasunari arreta ipintzea. Eta honekin batera hizkuntzari. Egilearen poesian ez dugu aurkituko metafora txundigarriak, baina bai, bizilagunaren hizkera, hitz moldeak, esaerak, “Trantze batzuetatik / Bestera / Ibili gabe ezin / Ibili behar fin egin gabe muzin / Ahal eta ezin / Ibiltzen zen gure Serafin / Haberela onarekin / Sortuaz ezinaren ezin”. Txori bat xumea da basoan, zuhaitzak handiak dira bere aldean, baina basoa osatzen du.