kritiken hemeroteka

8.335 kritika

« | »

Surf / Aitor Zuberogoitia / Alberdania, 2011

Baretasuna Juan Ramon Makuso / El Diario Vasco, 2011-04-29

Presaka bizi gara. Horrela da. Esango nuke, honek ez duela erremediorik. Gizakiak bere egin du, egun, gizartean ezarri dugun erritmoa. Dena azkar doa. Dena unean egin behar dugu. Komunikabideen ezaugarria hori da: azkartasuna, albistea eman eta albiste hori jada ez da albiste, beste batek irensten baitu. Aitor Zuberogoitiak bere Surf liburuan, Miguel de Unamuno XI. Saria, saiakera arloan eskuratuta, ia orokorrean, denboraz egiten du gogoeta. Beste bi gai ere baditu egileak gogoetarako: teknologiaren aurrerakuntza, eta globalizazioa eta lokalizazioa. Hiru gai hauekin idazleak osatu du bere saiakera. Irakurlearentzat gaiak ezagunak dira, eta alde horretatik badu liburuak bere erakargarritasuna. Bestalde, liburuak badu ezaugarri bat, irakurketa atsegin egiten duena, eta da hizkuntza zuzena dela. Ez dago kontzeptu ilunik, ulermena eragotziko duenik, eta hau eskertzen da. Esan behar da egilearen iritzia edo hipotesia, saiakeraren hasieratik lantzen duela eta hau gure bizitza oso azkar bizi dugula dela, eta hau orrialdez orrialde ikusi ahal izango da. Deigarria da nola txertatzen dituen bere bizitzaren pasarteak, eguneroko jarduerak, bere gogoeta gaia lantzeko. Aipatu behar da ere, Zuberogoitiak gaia oso zabalik landu duela, eta egileari beharbada ihes egin diola bere tesia finkatzearen nahia —berak horrela aitortzen du bere post scriptum-ean, alegia mezua lausoegia izan zitekeela—. Dena den horrelako lanak oso egokiak dira euskal letretarako; horrelako saiakerak, gogoetak, plazaratzea, gure letren sistemarako osasungarriak dira, eta hau Aitor Zuberogoitiaren lanari esker da. Eta horrelako gaiak gustuko dituen irakurleentzat, gogokoa du mota honetako liburuak irakurtzea.

Azken kritikak

Horma
Marlen Haushofer

Ainhoa Aldazabal Gallastegui

Ura ez baita beti gardena
Xabi Lasa

Joxe Aldasoro

Zoo
Goiatz Labandibar

Paloma Rodriguez-Miñambres

Xomorroak
Julia Guillamon

Nagore Fernandez

Monogamoak
Iñigo Astiz

Asier Urkiza

Metamorfosia
Franz Kafka

Aritz Galarraga

Mesfida zaitez
Bea Salaberri

Jon Jimenez

Nazionalismoaren alde eta aurka
Joxe Manuel Odriozola

Mikel Asurmendi

Itzalen tektonika
Itxaro Borda

Paloma Rodriguez-Miñambres

Manttalingo alaba
Mikel Etxaburu

Jose Luis Padron

Nazioa eta hizkuntza Humboldten pentsamenduan
Iñaki Zabaleta Gorrotxategi

Jon Jimenez

Etxe bat norberarena
Yolanda Arrieta

Irati Majuelo

Hormako atea eta beste ipuin batzuk
H.G. Wells

Hasier Rekondo

Zeru-lurren liburua
Jon Gerediaga

Jon Martin-Etxebeste

Artxiboa

2024(e)ko ekaina

2024(e)ko maiatza

2024(e)ko apirila

2024(e)ko martxoa

2024(e)ko otsaila

2024(e)ko urtarrila

2023(e)ko abendua

2023(e)ko azaroa

2023(e)ko urria

2023(e)ko iraila

2023(e)ko abuztua

2023(e)ko uztaila

Hedabideak