« Bizitzaren koloreak borborka | Dakienak idatzia »

Sartu, korrontea dabil / Ixiar Rozas / Erein, 2001

Sartu, korrontea dabil Gurutze Jauregi / Aizu!, 2002-05

Istorioa: 11 Kapitulutan, 11 pertsonaiaren pentsamenduen barna eramaten gaitu Ixiar Rozasek. Protagonista guztiek errealitatetik kanpo dagoen bidaia egiten dute euren nahi, beldur eta itxaropenak azalaraziz. Askok beren egunerokotik urrun dagoen bizitza eduki nahiko lukete. Sentsazio eta sentimenduz beteriko liburua da.

Emaitza: Osagarriak oso ongi nahastutako lana da. Kapitulu bakoitzeko protagonistaren istorioak era berezi eta atseginean loturik daude gainontzeko pertsonaiekin; gehienak ez ditu zuzenean, kontakizun bakarrean lotzen, baina azkenean, irakurleak, puzzle batekin antzera, pieza guztiak batu eta dena harilkatzen du hainbat istoriotan.

Aipagarria: Deskribapen ederrak ditu, xumeak, baina lotuta uzten zaituzten horietakoak. Bat aipatzearren, izugarri gustatu zait Transmutazioa izeneko kapituluan egiten duen herabearen begirada eta gainontzekoak barrutik begiratzeko duen eraren deskribapena.

Pasarte bat: “Hitzak ez dira bere osotasunean hartu behar, pieza bakarrekoak diruditen arren, zirrikitu asko baitituzte, eta zirrikitu horiek aukera asko uzten dute zabalik”.