kritiken hemeroteka

7.544 kritika

Azken kritikak

« | »

Udalbatza bahituaren kasu pollita / Karlos Linazasoro / Elkar, 2011

Mundu absurdoa Javier Rojo / El Correo, 2011-04-09

Karlos Linazasorok batzuetan absurdoaren literaturan koka daitezkeen istorioak kontatzeko joera dauka. Itxuraz zentzugabeak diren argumentuak plazaratzen ditu, baina noizean behin halako argumentu absurdoetan bizitzaren metaforak aurkitzen direla ikus dezakegu, oso gauza serioak eskatzeko bide bakarra fartsa izango balitz bezala. Bide hauetatik doa Udalbatza bahituaren kasu pollita izenburua duen nobela labur honen argumentua. Udaletxe batean hauteskundeen ondoren elkartzen dira zinegotziak lehenengo bilera egiteko. Bertan dauden bitartean, jende oste batek inguratzen du udaletxea eta hor gelditzen dira irten ezinik. Istorioa errealismoaren parametroetan gara zitekeen, baina ez da horrela egiten, argumentuaren garapenean umorea, ironia eta absurdoa nagusi baitira. Badakit agian konparaketa hau gehiegizkoa izan daitekeela, baina nobela honetan ematen du Julio Cortázarren Los premios eta Luis Buñuelen El ángel exterminador bildu direla Faemino eta Cansado umoristek erabiliko lituzketen ikuspuntu surrealistan eta diskurtso neurotikoan.

Egoera zentzu gabea da, zinegotziak ezin baitaitezke udaletxetik atera eta ez baitakite zer eskatzen duen inguruan duten jendeak. Diskurtsoa ere absurdoa da, arranditsua, oso hanpatua, erreferentzia kulturalez beterik. Eta honek areagotzen du egoerak islatzen duen fartsa itxura. Baina fartsa honen atzean, errealitatearen gaineko nolabaiteko hausnarketa dagoela iruditzen zait, zeren bizitza bera zerbait absurdoa izango balitz bezala aurkezten baita. Pertsonaiak zentzurik gabeko egoera batean aurkitzen dira eta oso diskurtso serioak botatzen dizkiote elkarri, konturatu gabe halako seriotasunak ez duela inolako zentzurik. Narrazioan ironia dago, parodia, fartsaren itxura duten osagaiak, eta umorea ere bai, nahiz eta Linazasororen eskuetan umorea barrea hozten duen horietakoa izan.

Azken kritikak

Poesia kaiera
Forugh Farrokhzad

Ibai Atutxa Ordeñana

Poesia kaiera
June Jordan

Aiora Sampedro

Gaitzaren loreak
Charles Baudelaire

Joannes Jauregi

Poesia kaiera
Forugh Farrokhzad

Igor Estankona

Poesia kaiera
Forugh Farrokhzad

Irati Majuelo

Hormako paper horia
Charlotte Perkins-Gilman

Amaia Alvarez Uria

Gaitzaren loreak
Charles Baudelaire

Javier Rojo

Poesia kaiera
June Jordan

Igor Estankona

Nobela errealista bat
Joxean Agirre

Joannes Jauregi

Moio - Gordetzea ezinezkoa zen
Kattalin Miner

Aiora Sampedro

Den-dena nahi dugu
Nanni Balestrini

Ibon Egaña

Erbesteko elurra
Felipe Juaristi

Javier Rojo

Lurra eta dardara
Askoren artean

Irati Majuelo

Miren eta erromantizismoa
Ramon Saizarbitoria

Imanol Mercero

Artxiboa

Maiatza 2020

Apirila 2020

Martxoa 2020

Otsaila 2020

Urtarrila 2020

Abendua 2019

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Hedabideak