« Idazlearen liburutegian barrena | Idazmakinatik irakurmakinara »

Traizioak / Iban Zaldua / Erein, 2001

Litekeenaz Javier Rojo / El Correo, 2002-04-24

Narrazio liburua da “Traizioak”. Iban Zalduaren eskutik datorkigun idazlana. Narrazio gehienak istorio laburrak dira eta errealitatearen beste aldean dagoen alderdi izkutua erakutsi nahi dute. Honetarako era desberdinak erabiltzen ditu idazleak. Istorio askotan, adibidez, gertatu zena eta gerta zitekeena aurrez aurre jartzen dira, errealitatearen bestelako posibilitateak erakutsiz. Bestetan denboran jauziak egiten dira, eta denboran zehar egiten diren joan-etorri hauetan paradoxak aurkezteko tresna egokiak aurkitu ditu egileak.

Noizean behin, errealitaren alderdi desberdinak lotzen dituzten hari ikustezinak erakusten direlarik, ohikotasunean izkutatzen den alderdi siniestroa nabarmentzen da. Errealitatearon ilusioa azpimarratzeko, edota atentzioa emateko soilik, Iban Zalduak bere istorioetan oso ezagunak diren izen bereziak eta gertaerak erabiltzeko joera handia du. Alde honetatik, politika mundutik hartutako izenek istorioen markoa eskaintzen dute oso maiz. Bere istorioak, ez dira honelako errealitateaz aritzen. Azken finean erakutsi nahi dute ez dagoela benetako desberdintasunik, muga argirik, errealitatearen eta errealitate honi kontrajar lekiokeon fikzioaren artean. Biak ala biak maila berean daude.