« Gorriak entzun eta irakurtzen | Semea hil zait »
Estilo-ariketak / Raymond Queneau (Xabier Olarra) / Igela, 2005
Kontatzeko moduak Lorea Amilibia / Deia, 2008-07-08
Bitxia da idazlearen lanbidea, zer ikusteko asko dauka lehiarekin; aurrena zailtasunak jartzen dizkio bere buruari, eta gero zailtasun horiek gainditzeko gauza dela erakutsi nahi izaten du. Horren erakusle garbia da liburu hau. Historia arrunta kontatzen du, hutsala, eguneroko gertaera bat, ezer apartekorik ez duena, eta gero horren bariazioak datoz, hainbat ikuspuntutik kontatuak, desberdinak guztiak. Guztira 99 narrazio. Istorioa behin eta berriz kontatzen digu idazleak, idazkuntzan eta literatur sormenean erabiltzen diren modu, baliabide eta teknika narratiboetako asko erabiliz. Hona lehenengo narrazioa, ondorengoei bidea emango diena, Oharrak izenburukoa: “San, jendetza ibiltzen den ordu batean, Tipo bat, hogeita sei urte ingurukoa, feltrozko kapela buruan, kordoi bat duena xingola ordez; lepo luzeegia, goitik tiratu baliote bezala. Jendea igo eta jaitsi dabil. Aldameneko batekin haserretu da gure tipoa. Baten bat pasatzen denean bultza egiten diola aurpegiratu dio. Tonu negarti antza, gaizto kutsua eman nahi liokeena. Eserleku bat hutsik ikusi orduko, haraxe joan da harrapaka.
Handik, bi ordura, Cour de Romen aurkitu dut berriro, Saint-Lazare geltokiaren aurrean. Adiskide batekin dago, eta hala diotsa hark: “Beste botoi bat jarri beharko hioke soingainekoari”. Eta erakutsi dio non (paparrean) eta zergatik”.
Istorio hori beste modu askotan konta daitekeela ikusiko dugu, ikasiko dugu: metaforikoki, analisi logiko gisa, onomatopeiekin, subjektiboki, zapo erderan, puztua, zakarra, komedia gisa… “Estilo-ariketak” izenburuak ongi jasotzen du liburuan datorrena. Xabier Olarraren itzulpenak Euskadi Saria irabazi zuen 2006an. Eta inork merezi badu sari hori Xabier Olarrak merezi du, liburu hau itzultzea ezinezkoaren mugan baitago. Eta bikain atera da lan neketsu ia ezinezko horretatik. Zinez eskertzen diogu irakurleok Xabier Olarrari itzulpenetan malkar ertzetatik ibiltzeko duen joera edo zaletasuna eskergabea. Hiztegi deabruetan eta Deabruaren hiztegietan barneratzeko duen adorea, eta Estilo-ariketak egiteko eta berregiteko bere gazte-espiritu ero miresgarria. Oles, Xabier!
Zuzi iraxegia
Amaia Alvarez Uria
Ainhoa Aldazabal Gallastegui
O.ten gaztaroa neurtitzetan
Arnaud Oihenart
Gorka Bereziartua Mitxelena
Ez-izan
Jon K. Sanchez
Aiora Sampedro
Pleibak
Miren Amuriza
Jon Jimenez
Ehun zaldi trostan
Ainhoa Urien
Asier Urkiza
Oroi garen oro
Beatriz Chivite
Nagore Fernandez
Jakintzaren arbola
Pio Baroja
Aritz Galarraga
Antropozenoaren nostalgia
Patxi Iturregi
Hasier Rekondo
Francesco Pasqualeren bosgarren arima
Unai Elorriaga
Mikel Asurmendi
Baden Verboten
Iker Aranberri
Paloma Rodriguez-Miñambres
Ezer ez dago utzi nuen lekuan
Itziar Otegi
Mikel Asurmendi
Dolu-egunerokoa
Roland Barthes
Asier Urkiza
Guardasol gorria
Lutxo Egia
Nagore Fernandez
Zero
Aitor Zuberogoitia
Jon Jimenez