susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Pentsamendua bat-bateko bertsotan emana | Urak dakarren izotza urtzen ikustea… »

Tene lehiaketa 2001 / Askoren artean / Elkarlanean / Debako Udala, 2001

Tene lehiaketa Javier Rojo / El Correo, 2001-12-05

“Tene lehiaketa 2001” izenburupean Debako Udalak urtero antolatzen duen Tene Mujika lehiaketan saritu dituzten lanak biltzen dira. Liburu honetan, beraz, guztiz desberdinak diren idazleek (hauetako batzuek eskarmentua dute; bestetzuk, 18 urtetik beherako akzesitak lortu dituztelarik, idazteko lanbide honetan hasiberrien sailan koka daitezke) idatzitako ipuinak irakurtzeko parada izango du írakurleak. Askotan, honelako lehiaketetan aurkezten diren lanak erdi ahantzita geratzen dira, behin baino gehiagotan argitaratu ere ez baitira egiten, edota, bestela, zeharo mugatuak diren argitarapenetan plazaratzen baitira. Honexegatik hain zuzen iruditzen zait oso interesagarria honelako liburuak ez baztertzea. Bilduma honetan denetariko narrazioak irakur ditzakegu: errealismorik bortitzenaren esparruan egindako istorioak, Rulforen mundu magikoa gogora ekar dezaketenak, ekialdeko lilura aurkeztu nahi duten ipuinak… Beharbada, ez dira inoiz agertuko euskal literaturaren historian idatzi diren ipuin hoberenen antologia batean, baina argi erakusten dute zein den euskal literaturaren maila, apala baina duina. Egileen izenak hauek dira: Gotzon Hermosilla, Kirmen Uribe, Laida Martinez, Alberto Ladron Arana, Maite Urrutia eta Iraitz Agirre.