kritiken hemeroteka

7.399 kritika

Azken kritikak

« | »

Zeta / Alessandro Baricco (Koldo Biguri) / Igela, 2001

Errealitatearen estalkia Felipe Juaristi / El Diario Vasco, 2001-11-24

Zeta, Alessandro Bariccoren izena ospebidean (ez ospabidean) jarri zuen liburua irakurtzeko beharrezkoa da, itzulpen itxuroso bat, Koldo Bigurirena esaterako, eta horretaz gain Scherezaderen itzala oroimenean. Scherezade, bai, Rimsky Korsakoven bertsioan, musikazale amorratua baitugu Alessandro Baricco. Irakurri besterik ez “Hegelen arima eta Wisconsingo herriak” lan bitxi, kurioso eta librea, opera-libreto bat bezain. Zeta, izan ere, ipuin bat da, ekialdeko ipuinen tankerakoa. Scherezaderenak dakarzkigula gogora esan dut, baina hori meritu makala da, ipuin guztiek baitute gaur egun Scherezaderena izan daitekeen usain, zapore edo gustua. Ipuina zerk egiten duen liluragarri galdetuko balidate, nekez
emango nuke erantzun bat kunplitua eta denentzat baliagarria. Pertsonaiak, esaterako, beti zerbaiten bila, errealitateaz haratago dagoen zerbaiten bila, ametsaz haratago dagoena nahi. Pertsonaiak, bai, guk nahi genukeen modukoak. Pertsonaiak, bai, pilo bat, bakoitza bere eromena edo bere zoritxarra gainean duela. Pertsonaia handiak eta txikiak, ederrak eta itsusiak, beti zerbait kontatzeko dutenak, ametsaren bueltan ibiliko direnak, aurrera eta atzera. Zalantzarik ez. Baricco irudimen handiko gizona dugu. Eta irudimena, Nabokovek esan zuenez, ezinbestekoa da idazle izateko. Idazle izateko bezain ezinbestekoa dugu bizitzaren herdoilari kolore pixka bat emateko. Baina hau nire irudipena besterik ez da. Irudimenari esker Bariccok fantasiaren munduan sartuko gaitu irakurleok, eta ez dugu handik irteten utziko, harik eta liburua amaitu arte. Zeta, tranpazko soinekoak egiteko gaia. Zeta, fikzioa ere tranpa baita. Eta literatura zetazko hitzak dira, errealitatea, nahi gabe bezala, estaltzeko.

Azken kritikak

Moio - Gordetzea ezinezkoa zen
Kattalin Miner

Amaia Alvarez Uria

Itzuliz usu begiak
Anjel Lertxundi

Joannes Jauregi

Iturria
Unai Elorriaga

Aiora Sampedro

Zeldak
Elena Olave

Javier Rojo

Susmaezinak
Itxaro Borda

Estibalitz Ezkerra

Irautera
Castillo Suarez

Alex Uriarte

Fakirraren ahotsa
Harkaitz Cano

Untz Ohe

Miñan
Amets Arzallus Antia

Irati Majuelo

Hiru gutun Iruñetik
Patxi Zubizarreta

Amaia Serrano Mariezkurrena

Poesia kaiera
Louis Aragon

Igor Estankona

Poesia kaiera
Louis Aragon

Javier Rojo

Goldsmithen ikaslea
Joxean Agirre

Txema Arinas

Poesia kaiera
John Berger

Igor Estankona

Zorioneko familia
Iñaki Irasizabal

Aiora Sampedro

Artxiboa

Azaroa 2019

Urria 2019

Iraila 2019

Abuztua 2019

Uztaila 2019

Ekaina 2019

Maiatza 2019

Apirila 2019

Martxoa 2019

Otsaila 2019

Urtarrila 2019

Abendua 2018

Hedabideak