susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« This is for you | Gizon argala »

Aihen ahula / Daniel Landart / Elkar, 1989

Aihen ahula Josu Landa / Argia, 1989-07-30

Daniel Landart-en “Aihen ahula” berriz ere argitaratzeko asmotan zirela jakin genuenean errotik poztu egin ginen. Izan ere, Landart beti ere irakurtzeko atsegina izan bada ere, liburu hau idatzi dituenen artean atseginena dela esatera ausartuko ginateke. Bere haurtzaroko kronika egiten du Danielek liburu honetan: sorlekuko kontuak, ikastetxekoak, erlijio hastapenak, herriko gorabeherak, eta gisa guztietako istorioak kondatzen dizkigu estilo fresko eta arinaz. Oroitzapen liburua da, ez nobela; elemendu narratiboak ez zaizkio falta, eta gogoeta urrunarekin batera umore fin batek lortzen du irakurlearekiko hurbiltasuna. Besteren batek estruktura minimoa gaineratuta nobela burutuko luke material berarekin. Guk dagoen-dagoenean maite dugu “Aihen ahula”.

Lehenbiziko aldiz 1978an argitaratu zen, eta geroztik 1982an nozitu zuen bigarren argitalpena. Oraingo hirugarren hau beraz, nabaria zen hutsunea birbetetzera etorri da.