susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Zainetan murrailak | Bihotz apala »

Atea bere erroetan bezala / Eduardo Gil Bera / Pamiela, 1987

Atea bere erroetan bezala Xabier Mendiguren / Argia, 1988-01-24

Ustekabea zabaldu zen iazko Xalbador saria ezagutzera eman zenean: Eduardo Gil Bera zen irabazlea, ordura arte euskal mundutxoan ezezaguna, tuterarra, eta gainera filosofiaz idazten zuena! gaur harako hartan saritua suertatu zen lan hura ezagutzeko aukera dugu: Atea bere erroetan bezala.

Hasieran esan zitzaigunez Montaigne eta Huarte pentsalarien gaineko obra genuen. Irakurtzen hasiz gero horien aipuak eta agertzen zaizkigu, baina nik esango nuke egileak berak huntaz eta hartaz egin gogoetak direla liburuaren ardatz. Gai guzti horiek denboraren gai orokor eta eternora bil litezke azken batean.

Diskurtsoaren harian filosofia klasikoko egile asko eta asko agertzen dira beren argudio eta esaerez hari nagusia ilustratuz eta aurrera eramanez. Horiekin batera euskal literaturako klasikoak ere erruz agertzen dira, Gil Beraren erudizioaren erakusgarri.

Guzti horrek interesgarri egiten du liburua. Hala ere akats nagusia hizkuntza litzateke. Klasikoen irakurketa oparoa erakusten dues joskera erabiltzen du, baina sarritan malgutasuna eta naturaltasuna falta zaizkio. Denborarekin eta Auspoako liburuen antidotoarekin konponduko ahal du!