susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Laino eta sasi guzien tartetik | Kontaketaren atsegina »

Eskeintzak / G. Arroyo / Baroja, 1987

Eskeintzak Mikel Mendizabal / Argia, 1987-10-18

Liburu honen zatiketek badute heuren artean loturarik. Lotura hau eskeintzak dira eta gustatu behar zaizkigu eritziak botatzen hasi garenerako. Gure ustez lurrean, irudimen askoko autoreen lana dugu aurrean. Itxura ederra du lan honek: zaindua, euskara aldetik ondo moldatua, idazkera erabat literarioz egindako lan batean. Poema guztiek badute bere eskeintza, zenbaitetan oreka bat lortzen saiatuz.

Lehen, liburuak duen irudimena azpimarratu badugu, orain berbera kostatako lanarekin egingo dugu, antze ematen duenez behintzat. Fantasia, magia eskeintzen digu Arroyok orriotan zehar (utopiari poema, txorimaloei, Tunezi, aker beltzari, Salvador Daliri…), nahi duena badakiela zer den azalduz.

Hitzekin eta, jokuak egiten saiatzen bada ere, ez da atzera geratzen poema bakokitzari sinbologia bat ematen. Ipuin, kanta, instantzia edo beste edozein gauza lortzen du eskeintza bakoitzarekin. Gustora irakurtzeko azken finean, gauza bitxi ugari izanik, sorpresaz, sorpreza joanik orrialde desberdinetan zehar.

Konjuroa lehen txiroa bazen, orain gizajo. Asmakizun konjuro poema akerbeltzan, erlojuei eta azkenik agurra.

Aurrenaldean pisu pixkat ikusten zaio, gero zeozer jaisten da, ondo amaitzen da ordea bukaeran.

Eskeintzak badira, lokarririk nagusienak ere heuren artean (poemak) komunikatzen direnak. Badute zerikusirik batzu-batzuetan.

Ipuinak edozeinentzat baliogarriak direla esango genuke, hona hemen behar bada liburuaren arrakasta.

Ironia eta umoreko poemak ere badira, beste batzuk ordea ukitzen zaitue, behar bada ez dira hunkigarriak izatea iristen baina…

… izotz ontziz betetako urrutiko itsasoetan nabigatu nahi dugu
eta
izotz zatiz
betetako wiski basoetan
nabigatu ohi dugu…

Ezin da kexatu, wiskia ez da gutxi esatea! Hasieran, “Zerbait zor diedanei”, “Lehen kartila”, “Huranon” eta “Triptikoa” lan jatorrak ditugu oso.

Liburu borobila beraz. Ez dira benetan euskaraz hauetako liburu gehiegi argitaratzen, jatorra, ulergarria, irakurtzeko erraza… eta bestalde, egitura aldetik ere oso ondo egina.