susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Plazerra sentierazteko poemak | Sinboloen mundutik »

Euskal Testu Zaharrak I / Joxe M. Satrustegi / Euskaltzaindia, 1987

Euskal Testu Zaharrak I Mikel Mendizabal / Argia, 1987-09-13

Duela aste batzu, Joxe Mari Satrustegi filologo eta euskaltzainaren lan honetaz bi gauza aipatzen genituen: lanaren kalitatea batetik, XVI, XVII, XVIII eta XIX. mendeko euskal testu zahar asko argitaratzen bait da garbi eta zehatz liburuan, material ezin eskertuzkoa kalera emanik. Gehien bat ekialdeko testuak dira, Nafarroa eta Bidasoaz bestaldekoak, ulertzekoa, Satrustegi hor barne ibili bait da gehien bat testu bilketan. Badira dena den mendebaldekoak ere.

Gure keja ez zetorren lanarengatik, argitarapenagatik baino. Luxozko edizioa zen, arraskario, ez nornahik erosteko modukoa. Liburuaz bereziki behartuak ginenok erosi genuen, eta baita pagatu ere. Edizio arruntik ba ote zen galdetu eta ezetz. Hara orain edizio arrunta hile batzu berantago. Ezta dudarik, adarra jo digute.