susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Izuztarri | Abadia Urrustoi pastorala »

Hiriaren melankolia / Felipe Juaristi / Baroja, 1987

Plazerra sentierazteko poemak Mikel Mendizabal / Argia, 1987-09-06

Felipe Juaristiren liburu hau ez da liburu on bat, esaldiaren indarra adjetiboari egotzi behar bazaio. Halarik ere, batzuri neurriz nahiz mailez eskas zaion euskal poesia irakurgarria dela dioen ustea konfirmatzen du. 70. hamarkadan bilbatutako euskal poesiaren aintzaz dauden askok eta askok ez dute onartu nahi izan 80. hamarkadan inoizka tajuzko poesia irakur zitekeela. Eta horixe bera gertatzen da Felipe Juaristiren bilduma honekin, nahiz, arestian aitatuari jarraiki, poema gaitzak ez diren.

Titulua egiten duten bi hitzetatik, bigarrena da bilduman gehientsu ageri dena. Hiriaren kontzeptuaren isladak bakanagoak izaki, ezezkotasuna, malda behera, ezaren ispilua eta peitua dira poemetan azaltzen direnetako batzu.

Gaiek, topikoagatik, ohizko trataera originalitatez urria ekarri dute ondorioz lehendabiziko kolpetik. Dena den, poeta gaztearen irudimena zinez aberatsa gertatu da kasik olerki guztietan. Poema bat irakurri, bestea, bestea, eta olerki giroa mailakoa idurituko zaio irakurleari. Gorabeherak kanpo, olerki ugarik plazerra sentierazi digute, irakurraldia atsegin bilakatuz.

Guri poema batzu biziki gustatu zaizkigu.