susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Fantasiazko ipuinak | Arkeroak beti jotzen du bi aldiz »

Haur besoetakoa / Jon Mirande / Erein, 1987

Haur besoetakoa Mikel Mendizabal / Argia, 1987-06-07

Erakargarriak dira Ereinek ateratzen dituen lanik gehienak, are gehiago oraingoa. Duela 17 urte inguru argitaratu arren 1959.ean idatzitako nobela honek, euskal heterodoxia literarioari bide eman zion gaiaren aldetik ikusita. Jon Juaristik berriki idatzi bezala, egun Euskal Herriko gazte askok Mirande du idealizatzen kultur girotan batez ere. Duela guti Lizardi desbankatu zuen Lauaxetak adinako indarra hartu du Mirandek azken urteetan.

“Haur besoetakoa”, llabur emanen dugu aditzera, pedofilia lantzen duen nobela motza da, estilo aberatsean emana, garaiko Euskal Herrian kristautasuna eta tradizionalismoari ostikada galantik eman ziona. Askoren ustez Nabokov errusiarraren “Lolita” lanean oinarritua, Iturraldek hitzaurrean Mirandek irakurri ez zuela dioen tesiari amen egiten dio, Miranderengan bizirik dauden eragin zuzenagoen berri emanez.

Jende guti ezagutzen dut gustatu ez zaiona.