susa | literatur emailuak | literaturaren zubitegia | euskarari ekarriak | armiarma | klasikoak | aldizkarien gordailua | basquepoetry | ipuina.eus | ganbila.eus

« Bi gizajoen gora-beherak | Ihauteriko erokeriak »

Gauzak / Alfonso R: Castelao (Ramon Etxezarreta) / Susa, 1987

Gauzak Mikel Mendizabal / Argia, 1987-03-22

Susa argitaletxeak atera berri dituen Castelao idazlearen hirugarren obra dugu. Euskal komunikabide ezberdinetan arrakastaz onartu ondoren, atsegina idazle bitxi honen obrak aurkeztea.

Orohar 45 ipuin azaltzen zaizkigu liburu honetan, nahiz eta denek ezaugarri berdintsuak azaldu. Bizitzaren ikuspegi nahiko ezezkorra hain zuzen; edota behintzat autoreak deskribatzen duen bizitza berezi baten miseria eta egoera latza. Liburuak ipuinetan zehar, pertsonaia ezberdinen eskutatik, bizitza modu marginala azaltzen digu: Atso alargunak, itsas gizon bakartiak, kazkezurra madarikatuak, gaizki ezkondu direnak… elementu guzti hauekin erlijio ipuinak, amodiozkoak etabar egiten ditu, hori bai denak edo ia denak bukaera triste edo trajikoarekin ipuin oso motz batzutan.

Susa argitaletxeak, argitaratu dituen Castelaoren beste obretan bezala , bertako marrazkiak autore berarenak ditugu, bere ezaugarri artistikoak azalduz ipuinarekin ados doazen marrazki batzuekin. Aipatu beharra ere, Ramon Etxezarreta itzultzailearen lana, lan bikaina egin duelako nahiz eta gehienei bezala akats baten bat errepikatu liburuan zehar.