susa | literaturaren zubitegia | literatur emailuak | armiarma | klasikoak | aldizkarien gordailua | basquepoetry | euskarari ekarriak

« Bianako Printzea, kondaira madarikatua | Txurio Txoria »

1280 arima / Jim Thompson (Xabier Olarra) / Elkar, 1986

1280 arima Mikel Mendizabal / Argia, 1987-02-08

Gizarte amerikarraren lizunkeri eta bortizkeria azaltzen digu “1280 arima” liburuak. XX. mende hasieran, Ipar Ameriketako herri nahiko ttipi batean hamaika abentura ezberdin agertzen zaizkigu, herriaren oinarria bertako sheriffa delarik. Honek bere grinak bete nahian, bere emazteaz gain herriko zenbait neska gazteekin ibiltzen da bere aginte erabatekoarekin mehatxatuz. Hortaz aparte, herriko gazteen aurkako jipoiak ez dira falta edota negoziante zikin batekin dituen diru kontua, beltzekin arazo larriak, urdangekin dituzten bezala eta abar.

Azken finean, tira, gaurko telefilme ameriketan ikusten diren hainbeste eta hainbestetako historioak. Liburu honetan ordea, kategori askoz gehiagorekin kontatuta agertzen zaigu, eta batez ere idazle bikain baten lumatik aterata.

Jim Thompson Oklahomako indiar erreserba baten jaio zen. Idazle bikaina bazen, komunistatzat leporatu zuten eta bere lanak oso aprezio eta babes gutxi izan zituzten. Bere arrakasta falta ikusiz, azkenean, “1280 arima” liburua idatzi zuen falta zitzaion ospea biiatuz. Bere bizitza konfliktiboaren puntu asko ilun badaude, orokorki ez zaio ukatzen bere lanen kalitatea, Estatu Batuetan Europan baino ospetsuago izanik.